ولبست مدونتي فستان العيد xD

سلااآم مينّاآ~
ريني ديس! :)
وأخيراً يارب لك الحمد غيّرت ستايل مدونتي ونفضت الغبرة اللي كانت عليها قبل العيد،
عشان كدا معتبرته فستان العيد حق مدونتي :$

عملتو منوكروم بخلفية ورقة للتدوين،، عملتو شي مرة بسيط زي دفاتر التدوين الشخصية،
والمونوكروم "الأبيض والأسود" تأثير مرة أحبو،، سواءً في ملابس أو صور، أحسو يعطي عمق ومعنى للشي مدري ليش 😁
لسة شغالة على إضافات تانية بس ما أبغا أقعد أشتغل عليها دفعة وحدة عشان لا أطفش 😌
كل ما جات ع بالي إضافة حطيتها بإذن الله ،،

"بأستخدم فيسات الإيموجي،، باينة :/ ؟"

---

في إضافة كنت مرة حابتها بس مدري إزا كانت تطلعلكم من أول أو لا،، اللي هية مشغل المقاطع الصوتية،،
كنت ع أساس محملة عليه كم مقطع يشتغل بالترتيب أول ما تدخلو ع المدونة،، سمعتوها ؟ :/

---
في كمان إضافة مرررة كيوت كنت حاطتها أول ما فتحت المدونة،، هامستر تأكليه وتشربيه😭❤،، وكنت مسمية هامستري "يوكي"☺❤،، وحدة زمان قالتلي دايماً أفتح مدونتك عشان أخويا الصغير يحب يلعب بالهامستر 😄
فشكلي حأدورلي ع إضافة كيوت وممتعة،،
إزا تعرفوا إضافات حلوة قولولي 😊

---

وووبس !
إيش رايكم ؟ :)
إن شاا الله يعجبكم زي ماهو عاجبني xD

بإذن الله بس تنفتح نفسيتي ع التدوين بسبب الستايل الجديد وأهتم بمدونتي أكتر :)

---
إلى تدوينة قادمة بإذن الله ،، ~
في أمان الكريم ،، ~

💓

جدول يوم عرفة ٢٠١٦ ❤

جدول يوم عرفه احفظوه في جوالاتكم وارسلوه للي عنكم 
بدل مانضيع وقتنا وهو يوم واحد فالسنه .. :

1_نم ليلته مبكرا لتتقوى لطاعة الله .
2_ قم قبل الفجر لتتسحر .
3_ ثم صل 4ركعات على الأقل وادع ربك وأنت ساجد بخير الدنيا والآخره  واحمده أن بلغك يوم تنزل الرحمات والمغفرة .
4_قبل الفجر اقض وقت في الإستغفار حتى تكتب من المستغفرين في الأسحار .
5_استعد لصلاة الفجر قبل الآذان بخمس دقائق واستشعر أن ذنوبك تخرج مع آخر قطرة لكل عضو تتوضأه.
6_ قل دعاء ما بعد الوضوء
7_صل الفجر واجلس في مصلاك إلى ما بعد الشروق ب 15 دقيقة:
8_ابدأ التكبير بعد السلام مباشرة كما ورد في أول الرسالة.
9_أنت الآن في مصلاك حتى الشروق تقرأ القرآن وتسبيح وتهليل وتحميد ولاتنس أذكار الصباح .
10_الساعة 6:13 دقيقة صل ركعتي الشروق لتكتب لك حجة وعمرة مع رسول الله_صلى الله عليه وسلم إياك أن تضيعها.
(اضغط هنا لمعرفة صفة صلاة الشروق، تعريفها، وقتها وعدد ركعاتها)
11_أنت الآن مخير إن استطعت ألا تنام اليوم كاملا فلا تضيع ثانية واحده الا وأنت في ذكر ودعاء وكن على يقين بالإجابة.
12_أو تنام ساعة تنوي بها التقوي على طاعة الله .
13_ثم تقوم من النوم_تتوضأ وتصلي 4ركعات على الأقل ضحى وتنوع بين الطاعات حتى لاتمل:
تكبير_ذكر_تلاوة وأكثر من:لاإله الا الله وحده لاشريك له الملك وله الحمد وهو على كل شئ قدير .
14_صل الظهر وكبر وسبح واقرأ شيئا من القرآن .
15_اسمع خطبة عرفات بكل جوارحك ولتكون هذا العام أفضل من كل عام في التطبيق إن شاء الله.
16_صل العصر وكبر وقل أذكار المساء .
17_اقرأ القرآن إلى قبل المغرب بساعة تقريبا_ابدأ الدعاء بخشوع واذكر وقوفك أمام الله_لاتنس اخوانك المسلمين المستضعفين في كل مكان .
18_ادع الله أن لا تغرب شمس عرفة الا وأنت من عتقائه .
19_الله يوفقك لصالح الأعمال ونسأل الله لك القبول .
20_آذان المغرب:ابدأ الإفطار ولاتنسي أن للصائم دعوة لاترد وإياك والعجب فإنه يحبط العمل.
ذكر بها أهل بيتك ومن تحب كل هذه الليله ، فهي من أحب الأعمال إلى ربك


---

منقول لتعم الفائدة ^^

تقبّل الله منّا ومنكم صالح الأعمال

آمين.

كلام مع نفسي ولنفسي :)

السلام عليكم ورحمة الله وبركاته
---

" للي لسة بيدخلوا مدونتي ويقروا مدوناتي النادرة جداً -ـ- إنتو جميلات قدن وأنا أحبكم قدن وشكراً مرررة
من وسط قلبي عالسؤال والكلام الحلو اللي بتتركولي هوة في الكومينتات، آسفة جداً ع عدم الرد في بعض الأحيان
بس أتأكدوا إنو كلامكم بإذن الله وصل <3 p="">
---
اللي حأكتبوا في التدوينة دي مجرد أفكار ومشاعر وقرمبع وكدا D: فاللي طفشانة أو مهي طفشانة مافيها شي مفيد..
كلام مع نفسي ولنفسي :))
---
حيسرلي تقريباً أكتر من سنة عن إنستغرامي ويتيوبي وقرمبع التواصل الإجتماعي بشكل عام،
غير إنشغالي الغير طبيعي بسبب الجامعة، أحس شغل اليوتويب بالزات يبغالوا جهد ووقت إضافي من ناحية التحرير والتأكد من محتويات الفيديو خصوصاً بعد قوانين اليوتيوب بارتنرشيب ما سار بالساهل ترفعي أي شي وتحطيه وخلاص،
هادا غير الدعم اللي يكاد يكون معدوم للأسف من ناحية تفاعل المتابعات وكدا، الشي اللي خلاني " أحبط" زيادة وأشيل فكرة استخدامي للسوشيال ميديا بشكل عام فترة الدراسة،،

---
ممكن أتقبل فكرة إني ما أستخدم أي صفحة من صفحاتي ع النت بس إلا مدونتي، قبل يومين أفتكرتها وحسيت إنها وحشتني مرة! خصوصاً إنها أول بصمة خاصة بية في عالم النت، فتحتها من عام ٢٠١٠ يارب لك الحمد، كانت لسة أول سنة لية في الجامعة، تحضيري ترم تاني، "سبحان الله الوقت كيف يمر؟! الله يرحمنا برحمته بس." فمنجد أحس بين كل تدوينة والتانية في ذكريات مرة حلوة ما أبغاها تضيع ولا أبغا الرتم اللي بينهم ينقطع.
عايشت مواقف كتيرة أتعلمت من بعضها يارب لك الحمد وبعضها نسيتو، الخلاصة إنو مدونتي حاجة مرة غالية علية ولو أنقطعت عن أي صفحة إلا مدونتي ما أبغا أتركها أو أفكر أقفلها.. " اللي يسمعني يقول ما شاء الله تكتب تدويناتها باستمرار xD " بس برررضووو.. إسسسسمي بأدددخل :$
---
مررررة نفسي أغير ستايل المدونة،، الستايل دا صرلو كم سنة ما شاء الله ومرة طفشت منو :$
أبغا أغيرو لشي مرة بسيط ويكون على ثيم دفاتر التدوين،،
" أتجننننن على دفاتر التدوين "
ومرة أدعم التدوين الكتابي أكتر من التدوين الإلكتروني ترا :)) ! أحسو تقدري تكتبي مشاعرك فيه أكتر من الكيبورد اللي للأسف " جمّد " مشاعر كتير بين الحروف وما خلاها تبان على حقيقتها " رأيي الشخصي "
فالجميلات اللي عندهم أفكار لاتبخلوا علية :**
وطلعلولي الوقت اللي أصمم فيه xD
نقول في الإجازة إن شاء الله؟؟ مع إنو مرة نفسي ألعب سوني في الإجازة وأعمل كم جاحة تانية نفسي أعملهم من زمان ،،
بس مبدئياً نحط المدونة ضمن قائمة الأشياء اللي " أعبّرها " في الإجازة وأعطيها وجه بإذن الله xD
---

شكرررررا مرة تانية من كل قلبي لكل العسولات اللي سألوا عني،، يسعدكم ربي ومايحرمني منكم <3 p="">لا ننسى بعض من الدعاء ;)

---

في أمان الكريم .. ~