ولبست مدونتي فستان العيد xD

سلااآم مينّاآ~
ريني ديس! :)
وأخيراً يارب لك الحمد غيّرت ستايل مدونتي ونفضت الغبرة اللي كانت عليها قبل العيد،
عشان كدا معتبرته فستان العيد حق مدونتي :$

عملتو منوكروم بخلفية ورقة للتدوين،، عملتو شي مرة بسيط زي دفاتر التدوين الشخصية،
والمونوكروم "الأبيض والأسود" تأثير مرة أحبو،، سواءً في ملابس أو صور، أحسو يعطي عمق ومعنى للشي مدري ليش 😁
لسة شغالة على إضافات تانية بس ما أبغا أقعد أشتغل عليها دفعة وحدة عشان لا أطفش 😌
كل ما جات ع بالي إضافة حطيتها بإذن الله ،،

"بأستخدم فيسات الإيموجي،، باينة :/ ؟"

---

في إضافة كنت مرة حابتها بس مدري إزا كانت تطلعلكم من أول أو لا،، اللي هية مشغل المقاطع الصوتية،،
كنت ع أساس محملة عليه كم مقطع يشتغل بالترتيب أول ما تدخلو ع المدونة،، سمعتوها ؟ :/

---
في كمان إضافة مرررة كيوت كنت حاطتها أول ما فتحت المدونة،، هامستر تأكليه وتشربيه😭❤،، وكنت مسمية هامستري "يوكي"☺❤،، وحدة زمان قالتلي دايماً أفتح مدونتك عشان أخويا الصغير يحب يلعب بالهامستر 😄
فشكلي حأدورلي ع إضافة كيوت وممتعة،،
إزا تعرفوا إضافات حلوة قولولي 😊

---

وووبس !
إيش رايكم ؟ :)
إن شاا الله يعجبكم زي ماهو عاجبني xD

بإذن الله بس تنفتح نفسيتي ع التدوين بسبب الستايل الجديد وأهتم بمدونتي أكتر :)

---
إلى تدوينة قادمة بإذن الله ،، ~
في أمان الكريم ،، ~

💓

فلسفة كايزن اليابانية في دواليبنا ! 改善

السلام عليكم كوينز! 

اليوم حابة اشارككم حاجة مرة حلو تعملها كلنا خصوصا في الأيام الفضيلة اللي احنا فيها دحين، الله يبلغنا الخير فيها آمين 

*قلوب*

  لية فترة افتح الدولاب واشوف اشياء كتير من زمان مالبستها أو ضاقت علية أو مرة خلاص ماينفع تنلبس، فحبيت 

أطلع منها شي للصدقة، مبدأ كايزين الياباني "واللي معناه التطوير المستمر" يقول: انو لو في شي من ممتلكاتك ما 

استخدمتيه لمدة سنتين فمعناته الشي دا مارح تحتاجيه مرة تانية بإذن الله، فطلعيه مكعشان توفري مكانه مساحة لشي تاني، 

حركة تانية مرررة حبيتها لوحدة من الغوروز اللي اتابعهم، هية وزوجها كل ما اشتروا تي شيرت جديد مثلا يطلعوا بداله 

واحد قديم للصدقة، مرة الفكرة عجبتني تكسبي اجر وفي نفس الوقت تحافظي ع دولابك مرتب ومنظم ومافيلو شي زيادة 

عن حاجتك  و ع فكرة، كثرة الاشيا المتراكمة بدون ما تستخدميها تزيد الطاقة السلبية في المكان، فممكن تلاقي نفسك 

فجاة منتي مرتاحة تقعدي في غرفتك، فمعناته لازم تخففي من التكدسات اللي فيها وتشغلي شوية قرآن عشان تروقيها 

 عشان كدا قررت أعمل تاغ ونتشارك الأجر كلنا سوا ! كل وحدة تطلع من دولابها الاشياا اللي ماتحتاجها او ما 

استخدمتها من فترة طويلة وتحطها صدقة، "انتبهي انو في اشياا تكون مرة قديمة فما تنفع تصدقي بيها حوليها خروق 

للمطبخ او ارميها لانو لا تنسي انو اللي حيستخدمها بعدك يبغا يلبس شي نظيف فلا تجرحيهم بملابس معدومة"

 "إنما الأعمال بالنيات" خلونا نصفي نيتنا ونتشارك الأجر في الأيام الفضيلة دي ^^ والله يؤجر الجميع ويعيننا ع الطاعة 

 أنتبهوا ع نفسكم و Bee Queens! 

✿ [VLOG] فلوغ أول يوم رمضان ٢٠١٤ + إعلان #RamadanwithReni

السلام عليكم ورحمة الله وبركاته
كوينز !
فيديو جديد ولله الحمد !
لو عجبكم لاتنسوا اللايك والشير والسبسكرايب عشان توصلكم تنبيهات بالفيديوهات الجديدة مستقبلاً بإذن الله !

✿ جلسة حش مو طبيعية :$ ✿

السلام عليكم ورحمة الله وبركاته
كوينز !
فيديو جديد ولله الحمد !
لو عجبكم لاتنسوا اللايك والشير والسبسكرايب عشان توصلكم تنبيهات بالفيديوهات الجديدة مستقبلاً بإذن الله !

Pink 20: YUC Fair تجربة رائعة ولله الحمد لن أنساها ما حييت

بفضل من الله ورحمة فاز مشروعي أنا وزميلتي دانة بالمركز الأول في الـ Yuc fair , بدأنا شغل عليه من الترم الدراسي 

الماضي وعرضناه أربعة مرات ولله الحمد آخرة مرة كانت يوم الأربعاء الماضي للضيوف، كان مشوار متعب لكن النتيجة 

جمالها لايوصف، البروجيكت دا خلاني أحب الكعبة أكتر وأحب أرض الحرم أكتر ولله الحمد، يكفيني نعمة قبل لاتكون هدية 

من البروجيكت دا دمعات المس اللي اتأثرت بكلام المشروع وابتسامات كل مين وقفت وسمعتلنا وجملة "قشعرتيلي جسمي" 

اللي اتكررت اكتر من مرة ولله الحمد، كون الله سبحانه وتعالى جعلني سبب في ايصال معلومات عن الحرم الشريف واني 

افيد غيري عن اطهر بقاع الأرض هادا لوحده شرف عظيم يحفزني اني اشتغل عشان ديني اكتر في المستقبل واقدم مشاريع 

أقوى بإذن الله، الله يعين ويسهل! لولا الله ثم زميلتي دانة يمكن ماكان فاز المشروع، اهم حاجة انها ياقلبي كانت تشرح بدالي 

في بعض الأحيان عشان صدري لا يتعب ، الله يكتبلنا الاجر ويبلغنا ننفع غيرنا بكل خير، آمين.

------

حالياً شغالة ع فيديو يشرح فكرة المشروع كاملة لحتى أشارككم بيها ،

بس مبدئياً حابة أقولكم فكرة المشروع بإختصار :

أتكلمنا عن كيفية تطبيق ثلاث مجالات في الحرم المكي الشريف

الرياضيات، الفيزياء، والتصميم الداخلي

وشرحنا إثبات صحة إنو الكعبة المشرفة هي منتصف/مركز الكرة الأرضية من ناحية الرياضيات

وسبب برودة بلاط الحرم دائماً سبحان الله ع الرغم من إنو الجو في السعودية غالباً حار من ناحية الفيزياء والتصميم الداخلي

بإذن الله أول ما أخلص الفيديو حأنشره في كل صفحاتي ع النت ،

وقتها أتمنى من كل قلبي تساعدوني وتشاركوا في نشره لحتى يستفيد أكبر عدد ممكن ،،

-------

اللهم لك الحمد حتى ترضى ولك الحمد إذا رضيت ولك الحمد بعض الرضى ،،

-------

في أمان الكريم ،، ~

Pink 19: كأني مضروبة بنچ :/ + أكررره الناس الملقوفة!

السلام عليكم ورحمة الله وبركاته،،

ريني ديس!

كيفكم؟ أخباركم؟ إن شاء الله تمام؟

اليوم "أو بالأصح أمس"

١١ رمضان ١٤٣٤ هـ،،

الموافق ٢٠-٧-٢٠١٣

بصراحة اليوم مشي بطريقة غريبة، بالذات بعد الموقف اللي عشته أمس ولله الحمد وحسيت اني بطريقة ما نكّدت على بعض حبيباتي في تويتر :( 

الشي اللي خلاني أتأزّم أكتر،،

كأني مضروبة بنچ،، يب يب يمكن هادا الوصف اللي ممكن يعبر شوية عن الطريقة اللي مشي بيها اليوم،،

صح اشتغلت كم حاجة كدا وعملت وسويت الحمد لله، بس مدري أحس يومي كان خالي من المشاعر تقريباً،،

في ناس، على الرغم من إنهم كانوا من أول الأسباب في زعلي أمس، إلا إنهم بطريقة أو بأخرى حاولوا يصلحوا علاقتهم معايا اليوم، مع انو في قلبي شيء من تحسين العلاقة دا، بس حالياً حابة اعيش لحظتي وما انكد على نفسي زيادة،، لأني سعيدة بالأشياء اللي قدموها لية اليوم وإن كانت بسيطة، ع الأقل أفتكروني،،

الله يهدي الجميع ويصلحهم،،

آمين.

••••••••••

الناس اللي تعرف إنها ملقوفة وتستمتع بالشي دا،،

إيش تبغوا من حيااااتكم؟!!! ترا وربي اللي فيييكم دا مررررض الله لا يبلانا!!! 

متخيلين حجم المشاكل اللي ممكن تسببوها بلاقفتكم؟!! متخيلين حجم البغض اللي رح يشيلوه الناس في قلوبهم اتجاهكم؟!!! 

متخيلين الأخلاق السيئة اللي رح تكسبوها من ورا لقافتكم دي ومراقبتكم لأحوال الرايح والجاي؟!!!

تجسس-نميمة-غيبة-بهتان-اطلاع على عورات الغير-البحث ورا كل شي مايعنيك- التدخل في شؤون الغير

واكثر!!!

وشوفوا عاد كل خصلة سيئة من اللي ذكرتها الكم الهائل من الذنوب اللي تجي من وراها والعقاب المرعب لكل وحدة منها!!!

اكثر فئة تكثر اللقافة عندهم الحريم!!!

يناس والله ترا مرة شي مو حلو يبدؤوا الناس يبعدوا عنك ومايكلموكي لانك ملقوفة تسببي مشاكل!

ذكروا نفسكم انو أغلب أهل النار من النساااااااء!

الله يهدي الجميع ويصلحهم ويحفظنا!

لكل وحدة حاسة انها بتعاني من الشي دا:

حاولي كل ماوسوسلك الشيطان بسؤال ولا بفعل تطفلي ،، حاولي تشغلي نفسك بشي تاني، 

سبحي ، أقرئي قرآن اذكري الله وذكررررري نفسك انو زي ما اتلقفت ودخلتي نفسك في شي مايعنيكي ربي حيسلّط عليكي مين يتدخل في أمورك ويتعبك زي مابتتعبي غيرك دحين،،

قال الله تعالى:

{ولا تقفُ ماليس لك به علم إن السمع والبصر والفؤاد كل أولئك كان عنه مسؤولا}

الإسراء-آية ٣٦

أكررره الملاقيف الله يهديهم ويصلحهم ومايبلانا آمييين،،!!!

في أمان الكريم ،، ~

Pink 18: رمضان مبارك# ، #Ramadan Mubarak , #ラマダン ムバラク ！ :)

السلام عليكم ورحمة الله وبركاته ^^

مينا سان كيف حالكم؟ أخباركم إن شاء الله تمام؟

مبارك عليكم الشهر!

"متأخرة شوية ^^" "

الله يباركلنا فيه ويعيننا ع الطاعة ويتقبل صيامنا وقيامنا ويكتبنا فيه من المعتقين من ناره، .

ويرحم ويغفر ويعفو عن اللي ماعاد عليهم رمضان ،،

آمين.

••••••••••

ترا والله نعمة كبيرة إن ربي رزقنا صيام رمضان وبلغنا هادا الشهر الفضيل واحنا في صحة وعافية

لافاقدين ولامفقودين، له الحمد والشكر كله،،

سبحان الله بداية رمضان السنة دي كانت مختلفة من بيت لآخر، كل بيت بدأ رمضان يا إما بنعمة من ربي أو ابتلاء منه سبحانه وتعالى..

واللي بدأ بذنب ، واللي بدأ بصلاة التراويح، واللي معبي نيته مايصوم يالطيف،، واللي متحمس وهمته عالية يبغا يتصدق ويغير من نفسه ويختم القرآن كذا مرة،،

كل واحد فينا لازم يحاسب نفسه ويشوف رمضان السنة دي كيف دخل عليه؟ 

وكيف ناوي يخرج منه؟

بذنوب مغفورة بإذن الله؟

ولا زي مادخلنا زي ماخرجنت ما أستفدنا من صيامنا غير الجوع،، وطول الوقت اكل في لحوم الناس وهرج واغاني ولا كانو شهر ورايح،،

أو ع الأقل نستحي من سوء انفسنا انو شهر رمضان شهر تصفّد فيه الشياطين، فكل ماسولت انفسنا لنا بمعصية فهالشي من سوء نفسنا

••••••••••

واذا نزل عليك البلاء في هاذا الشهر الفضيل فالله سبحانه وتعالى يريدك أن تتقرب إليه اكثر وتعبده اكثر، فرمضان فرصة لاتعوض لمن يرغب التوبة والرجوع إلى الله واللجوء إليه،،

وإن كنا شايفين نفسنا في بلاء، مهما كبر في أنفسنا/نظرنا،، لازم كل واحد فينا يحط في باله إنو في ناس بلاءهم أكبر وأشد من بلاؤه، ويدعي الله انو يفرج عنه وعن كل مسلم ومسلمة كربتهم،،

ويتضرع إلى الرحمن الرحيم بتفريج كربه ورفع البلاء عنه،،

لا ننسى انو كل ما اشتد البلاء على المسلم، كل مازادت مكانته عند الله عز وجل وكل ماكبر أجره سبحان الله،،

••••••••••

الله يجعل رمضان السنة دي رمضان خير على جميع المسلمين والمسلمات والمؤمنين والمؤمنات ويرحم اللي ماكتبلهم يصوموا رمضان السنة ،،

و الله يبلّغنا رمضان سنوات عديدم مديدة ونحن بأتم صحة وعافية لافاقدين ولا مفقودين،،

اللهم آمين.

••••••••••

في أمان الكريم .. ~

Pink 17: ريني تتمرجح وتتزحلق زي البزووراااااا D: !!! + مع السلامة يا نكهة يوم الأربعاء :'(

السلام عليكم ورحمة الله وبركاااته
^^

يب يب xD أدري العنوان مدري إيش يبغا من الحياة !
أعترف إنو العنوان صحيح !

حكاية العنوان تعود إلى يوم الجمعة اللي فات *^*
فجأة كدا ضربت في بالنا وقلنا نروج للحديقة مشي !
يلا صح بعيدة بس نعمل رياضة *^* الرياضة حلوة برضو ^^"
"والله غير عشان مافحالنا نحارب ألين مانلاقي أحد يودينا مشينا بأدبنا عشان الوقت XD "
المووهيم ،،
في البداية كانت الآنسة ريني قاعدة بأدبها حتى ساكتها أسمع هرجم بس مافحالي أرد وأتفاعل  xD
قاعد أتفاعل مع الطبيعة الخلابة اللي حولية وآكل شي زي الفش فاش ،،
ويا سلام ماكنت مصدقة إنو قربنا نرجع وأنا ما أتحركت من مكاني *^*
الجو صح كان حرارة بس فيه نسمة هوا خفييفة فدا من الأشياء اللي خلتني ما أتحرك بزيادة ،،

فجأة كدا الطفلة اللي جوتي صحيت ومن غير أي سابق إنذار ،،
لقيت نفسي بأحاول أقعد ع مراجيح البزورا الصغار *^* يب يب أدري شي يفشل بس ترا الحياة مليانة أشياء حلوة لازم تتفشل عشان تعملها "يقولوا إني أعرف أعطي حكم ما شاء الله علية -v- ! "

فجأة كدا الطفلة اللي جوتي راحت تدور على كرسي مرجيحة أكبر ،، *V* والحمد لله لقت !
وبكل قوتي أدف نفسي في الهوا وأطييييييير !! ياااااه ياللسعااااااادة !
يب يب أبداً أهلي ما هزؤوني المرجيحة كانت ملحلحة خلقة وأنا كنت حأدمرها -_-
#برب ألملم وجهي ،،

-----

#باك ! xD
الموهيم تحسبوني بطلت يعني ؟!
لا وألف لا ! xD إلى بيت الزحاليق يا طفلتييي !
أول ما طلعت ع القمة برأيكم إيش سوييت؟ لا مانزلت ودسيت نفسي ،، لا لا ماخفت،،
قعدت أحرك يديني في الهوا وأقوول Fighting SAKURA ~
^^" إحم اللي يبغا يعمل أنفولو ما أوقف في طريقه !

لا من جد كان شعور مررة ممتع xD كدا يا سلام الهوا الخفيف وأنا ع قمة بيت الزحاليق ،،
حسيت بشعور الأبطال الخارقين للحظة! - أظنهم لو قريوا كلامي يعتزلوا! -

نزلت؟ طبعاً لا ! D:
كمملت طريقي لأقرب زحليقة وهاتك زحلللقة xD أطلع وأنزل أطلع وأنزل !
أتزحلقت بس مرتين والله بس مرتين :$

مرتين قصيرة بس الحمد لله كانت جداً ممتعة الصراحة :') أتمنيت من جد أرجع طفلة عشان أتزحلق فيها زي ما أبغا ،
مدري كيف كنت أشوف رحلة الزحلقة ع الزحليقة طويلة سبحان الله ،،

يب يب -_-" أنا وعبايتي يبغالنا رمي في الغسالة دحين !
طبعاً بغض النظر عن الكلام اللي سمعتوا من أخواني -_-" رفعت كاميرتي أصور موقع الحدث البطولي للذكرى xD !

بث ورجعنا البيت ولله الحمد سالمين وحضرتي طول الطريق ساكتة من الطاقة اللي استنفذتها في اللعب xD
من زمان مالعبت كدا D: !

-لبقية صور الرحلة تفزلوا زوروا إنستجرامي من الرابط التالي ^v^
http://www.dooid.me/reni-sakuragirl

-ترا حسابي برايفيت P: يعني اللي حابة تشوف الصور تتفضل تعمل فولو -v- تحسبوا كل شي مجاني؟ xD -
------

نجي للخبر التاني اللي شوية حسيته عورني :'(
خبر تغيير موعد الإجازة الأسبوعية ،،
أحس كدا ،، إنو خلاص بعد كدا مافي جملة ( ربوع وناااسة ) في الواتس وتويتر،، وكدا يعني مافي نكهة يوم الأربعاء :'(
-ماهي عارفة تعبّر !-

صراحة بإذن الله ما أعتقد إني حأنسى الشعور الجميل لمن كنت أتعب وأنهلك في الجامعة وفجأة أفتكر إنو اليوم ربوع *٧*
ما حأنسى لمن كنت كل مادخلت النت وشفت شي حلو أبغا أتفرج عليه ، نفسي تقولي ( أرفعيه للربوع ! أرفعيه للربوع ! )
ما حأنسى لمن كنت أقعد أطالع في جدولي أوقات الإختبارات وأتأمل يوم الربوع وأستناه بفااااارغ الصبر ،،
ما حأنسى لمن كنت أستنى يوم الربوع عشان أنام وأطلع تعب الأسبوع كله ومن الفرحة يشرد النوم وما أقدر أسهر في الليل *٧*

ما حأنسى ،، ما حأنسى ،، وما حأنسى ،،
أشياء كتير والله أحس إني من جد ما أقدر أعبر عنها وأكتبها -أو بالأحرى أختصرها- في كم حرف وجملة ،،
بالنسبة لية نكهة الأربعاء ستبقى موجودة في قلبي :) ،، حأحاول قدر الإمكان ما أخسرها ،،
-حتى لو كنا في إجازة ! xD -

أهم شيء الله يعيننا ألين ما نتعود على إجازتنا الجديدة :) ويجعلها أيام عامرة بالإنجاز والسعادة ،،


إلى تدوينة أخرى بإذن الله ،،
في أمان الكريم .. ~

Pink 16: Finally, My YouTube Channel Alhamdu Lillah ! :D

Assalamu Alaikum 

every one !

^^

How are ? and how's ur Summer going on?

Mine is TOO HOT Alhamdu Lillah ,,

暑いけど、、

i've been trying my best to enjoy it Insha'a Allah !

and the first thing i did to enjoy this Summer is that i made a YouTube Channel !

Yay yay *Applause* hehe

Here is the link

Reni.Sakura Girl's YouTube Channel

I "did' edited a video and actually it's ready to be uploaded put ,,

I'm a little bit nervous ,, Donno why ^^" even though i haven't ever been nervous about

posting something anywhere Alhamdu Lillah ,,

but now i just ,, i don't know ..

Maybe because there is a lot of rude people on YouTube ? i'm not saying all the YouTubers are rude ,,

It's just like THERE IS a group of them? and it annoys me cause i don't like to see

such people acting in such a way in front of me ! i just HATE it !

Sorry for the angry me ^^" 

i showed the video to some of my family members ,,

they liked it , but still i'm not 100% sure about ,

But u know ,, u can't tell that my video is not good until i upload it ,

and if it wasn't good , i'll learn to try another style to edit my videos

Well, i decided !

i'll try my best to Upload it tomorrow Insha'a Allah !

and if u like it 皆さん please don't forget to support my little YouTube Channel with ur lovely likes,shares and subscribes !

it'll really give me hope and help me "after Allah" to keep on making videos and show some of my interests ,, and inspire u sometimes maybe ? ^^

Wow Subhan Allah i feel so fresh and calm after writing what was in my mind ..

And Yeah for my English Speakers Followers ,, 

"whom can't speak or understand Arabic/Japanese"

If U want me to translate any of my videos of posts in my Blog , it's my pleasure to help!

just tell me through twitter ,ask or anywhere u want out of these sites over HERE

And i'll try to do my Best Insha'a Allah 

<33 p="">

See u in another PINKY post ^^

また〜ピョンピョンピョン！

May Allah Protect You All

Reni no Mise 3 -تجربتي مع لصقات كرست لتبييض الأسنان-

السلام عليكم ورحمة الله وبركاته !
كيف حاالكم جميلاتي ؟ ^^
إن شاء الله تكونوا بخير وفي تمام الصحة والعافية!

أدري مستغربين وتسألوا نفسكم ،،
مو كأنوا ريني قالت حتكون سلسلة ريني نو ميسي شهرية؟ طيب فينها من زمان؟
حابة أقولكم إني غيرت رأيي تماما بخصوص السلسلة إنها تكون "شهرية" ،،
يعني ، بعض الأحيان يكون صعبة إني أستخدم شي وأكتب عنو وأنا لسة ما أخدت وقتي في تجربته ،
فما حأقدر أكتب عنو شي قبل ما أقتنع بيه ،، لأني بصراحة ما أعرف أعطي رأيي بخصوص شي إن ما قعدت أجربه فترة،
فقررت إنها تكون غير محددة!
يعني كل ما جبت شي وشفت نتايجه وعجبتني بإذن الله مارح أبخل برأيي عليكم ^^ عشان كدا خليكم قريبين راجعتلكم بكل شي إن شاء الله يعجبوكم ،،
أهاا إيوة صح ،، قرار تاني!
رح أتكلم في كل تدوينة عن منتج واحد فقط؟
لييييش؟؟!! @@
لأني بصراحة حسيت إنو لمن أتلكم عن كذا منتج في تدوينة وحدة في منتجات ما تاخد حقها :/
فحبيت إني أعطي كل منتج نفعني حقققه بتدوينة كاملة عنو يسير آخد راحتي وأشرح بالتفصيل الممل عنه،
مو أحسن كدا؟ :$
طبعاً أكيد رأيكم يهمني كمان! ^^

في التدوينة الجديدة دي من محل ريني حابة أتلكم عن تجربتي للصقات كرست لتبييض الأسنان من البداية للنهاية!
Crest Whiestripes

طبعاً أنا من زمان كنت بأقرا إعلانات للصقات هادي وكيف إنها صارت تجاري الليزر في تبييض الأسنان ،،
وطبعاً إستخدامها أسهل لأنو تقدري تعمليها وإنتي في بيتكم بدون ما تخرجي وتتبهدلي في غلبة مواعيد المستشفيات ،
والحلو كمان إن لمن قرأت ودورت أكثر لقيت أغلب الأمريكان عليها ،،
مافيها ضرر ع طبقة المينا بإذن الله ،، وآمنة جداً، وحتلاحظي فرق بعد أول،، والتبييض يستمر لمدة ١٨شهر تقريباً إن شاء الله،،
-طبعاً لمحبات القهوة والأشياء اللي ألوانها غامقة أو مصبوغة لازم تقللي مرة من الأشياء دي لأنها طبيعي ختخرب التبييض  حق أسنانك حتى لو عملتيه في عيادة-

وأشياء كتيرة غيرها حمستني أشتريها..
النوع اللي جربته أنا كان إسمه
Crest WhiteStrips -Intensive Professional Effects-

-الصور ليست من تصويري-

أشتريتها من متجر ع النت ،، سعرها ٢٧٠ ريال
تحتوي ع ٧ مغلفات كل مغلف جوته شريطين للتبييض ، واحد للفك العلوي والتاني للسفلي ،،
تحطيها لمدة ساعتين في اليوم لمدة ٧ أيام

في حاجة حابة أنوه قبل ما أكمل التجربة ،، لصقات كرست في منها كذا نوع ع حسب نوع أسنانك إذا كانت حساسة أو لا "و ع حسب مفعولها كمان؟" أهم شي إنك تشوفي النوع اللي يناسب أسنانك لحتى تحصلي ع نتائج أفضل بإذن الله ،،
"إذا ماكنتي عارفة أفضل إنك تسألي دكتورة أسنانك ع أفضل نوع ليكي إذا حابة عشان تطمني أكتر ^^"
غير كدا مدة إستخدامك للصقة يختلف من نوع للتاني ،، زي اللصقات اللي أستخدمتها أنا تحتاج تقعد ساعتين لمدة ٧ أيام، وفي أنواع تحتوي ع ١٤ مغلف تقريبا تستخدميها لمدة ٣٠ دقيقة في ١٤ يوم ،، يعني كل نوع وطريقة إستخدامه،،

طريقة الإستخدام:
تفتحي فمك قد ماتقدري وتحاولي تنشفي أسنانك بمنديل من ورا ومن قدام للفكين العلوي والسفلي عشان تلصق اللصقة مزبوط ع أسنانك ، مو ضروري تفرشي أسنانك قبلها بس أهم شي مايكون في بقايا أكل صغيرة بين الأسنان عشان ماتمنع اللصقة إنها تثبت مكانها ،، وبس تحطي اللصقة بالطريقة الموضحة في العلبة وتستني المدة المكتوبة في طريقة إستعمال النوع اللي بتستخدميه ^^ ،،

طبعاً أنا ما كنت أدري إنها أنواع :|
وأشتريت النوع اللي لقيته قدامي! << متحمسة الأخت!
أول يوم بدأت أجربها صراحة حسيت إنو أطراف أسناني أتغيرت وفتحت وصار لون أسناني بشكل عام أفتح الحمد لله ،،
يعني حسيت إنو سعرها فيها TvT
تاني يوم إستخدام كان مرة مسلي وكماان الحمد لله أسناني فتحت أكتر ،،
الشي اللي كان مريحني إنو مو لازم أستخدمها مدة ٧ أيام ورا بعض ،، ممكن خلاص أوقف إذا حسيت إني راضية بدرجة التبييض اللي حصلت عليها ،، لأني ماكنت أبغا أسناني تكوون مرة داك البياض اللمبة! كنت أبغى لونها يكون أبيض طبيعي يعني مووو مرررة أبييييض! فكنت متحمسة أعرف كيف حتكون النتيجة ..
طبعاً بعد ما شلتها بعد تالت يوم إستخدام ،، حسيت بشي غريب في أسناني !
( طبعاً أنا أسناااني جددددا حساااسة يعني لو أكلت آيسكريم ممكن كل شوية أوقف بسبب الألم الناتج عن برودة الآيسكريم،، والنوع اللي بأستخدمه ماهو للأسنان الحساسة ،، فالغلط مني أنا مو من اللصقات أبداً،، لأنو فيه نوع للأسنان الحساسة بس محدثتكم ماكانت تدري )

الألم اللي حسيت بيه كان خفييف مرة ،، بس مزعج كونه إستمر معايا اليوم كله ،،
ماحيفهمني ويحس بيه إلا صاحبات الأسنان الحساسة ،، لمن تشربي شي بارد ولا تحاولي تكوني شجاعة شوية وتاكلي ثلجة ولا لقمة آيسكريم،، إيش يسير في أسنانك؟
عرفتوه؟ إيوووة هوة دا شعوري في داك الوقت ^^
الموهم،،
قررت أوقف إستخدامها كم يوم ألين ما يروح الألم -اللي ما أستمر يوم كامل الحمد لله- ،، - مع إني لسة ماوصلت لدرجة البياض اللي أبغاها-
والشي اللي عجبني أكتر في اللصقة إني حتى بعد ما تركتها مدة طوييلة -يمكن شهرين تقريباً- لون أسناني ما أتغير مرة
ولله الحمد،،
رجعت أستخدمها قريب ،، يمكن ع الأسبوع اللي فات ،، بس أترك فاصل يومين تلاتة بين كل إستخدام بسبب إنو أسناني حساسة ،،
والحمد لله دحين فاضلي مغلف واحد بس وأخلص العلبة ،،
طبعاً لو حطينا المدة اللي تركت فيها اللصقات + الفواصل الزمنية اللي أحطها بين كل إستخدام
تكون درجة التبييض اللي حصلت عليها -بالنسبة لية- جداً حلوة ولله الحمد ،،
يعني معطية أسناني بياض منعش !
كيف منعش ريني؟ -ــ-"
يعني أحس اللي يشوف أسناني يحس إنها نظيفة ومنتعشة الحمد لله ^^ مو كفاية؟
غير كدا درجة التبييض اللي حصلت عليها مرضية جداً مقارنة باللعب والخربطة وطريقة الإستخدام اللي خربطتها من عقلي ^^" يعني أتخيل لو مشيت ع الأيام مزبوط وحطيت كل لصقة في وقتها أعتقد حتبهرني اللصقات دي ويمكن نتايجها كانت حتكون أقوى ..
بس عن نفسي أبغا أكون في السليم مع أسناني الحساسة وأمشي معاها بالهداوة شوية ^^"

كانت تجربة جداً ممتعة ولله الحمد ،،
كل ما أفك اللصقة أقعد فاتحة فمي قدام المرايا زي الوحش أتأمل التغيرات وأفرش أسناني وأبتسم لنفسي زي المجنونة ^^
خخخخخ!
بس خرجت من التجربة دي برغبة إني أبغا أرجع أجرب نفس اللصقات بس للأسنان الحساسة بإذن الله ،، وأكيد وقتها حأشارككم تجربتي معاها ^^

أظن إني كتبت كل شيء ،، صح ؟ في شي ناقص؟
لو عندكم أي أسئلة أتفضلوا حياكم أسألوا اللي تبغوه هنا عن طريق تعليق في المدونة أو ع تويتري أو في صفحتي ع الآسك،، كوووول أبوووهم تلاقوهم هنــــــــــــا

أتمنى تكون تجربتي عجبتكم ^^
ترقبوا التدوينة القادمة من محل ريني قريييباً بإذن الله ،،
إلى ذلك الوقت ،،
دمتم في أمان الكريم.

Pink 15: Dreams,, Hope ,, Faith and Happiness

Assalamu Alaikum

Everyone !

Long time no posts in English!

Sorry for that ^^"

Well.. have you noticed the new item i added in the blog? yup yup

-V-

the audio player!

i've been searching for such a code for an ages !

but finally Alahmdu Lellah i found it ,,

it feels so nice to write a new post while listening to some beautiful Islamic nasheeds,,

right? ^^

-----

Everyone of us has a dream ,, 

a dream to fight for and to pay whatever to get it ,,

isn't dreams are a reason after Allah to give us some hope and faith to keep on going?

i mean,,

when u have something to fight for , you'll always have faith on Allah that he will never betray you

SO that you'll do your most best until you get what you want ,,

,, Dreams,, Hope ,, Faith ,, Happiness

are all nothing but "Some" very important blessings from Allah to help us live ,,

How would writing an exam paper be if the student don't have the faith and hope to succeed ?

How would having a new child be if the parents can't feel the happiness?

HOW can we keep on going through our daily life and put planes for the future WITHOUT having a dream to work for ?

That's why i'm so PROUD to be a Muslim Alhamdu Lellah ..

Cause ,, 

I HAVE FAITH

That Allah is Always with me ,,He Knows each and every word i'm saying and Hears everything i'm asking for ,,

AND HE WILL -Subhanahu Wa Ta'ala-

I HAVE HOPE

That Allah will never ever leave me alone ,,

 Whenever their is something annoying me ,, i can just raise my hand and ask Allah to help me..

HE WILL NEVER leave one whom calling him and asking him for help

 HE WILL NOT LEAVE ME ALONE-Subhanahu Wa Ta'ala-

I HAVE DREAMS

Which i'm sure Allah will make it come true ,,

cause Allah created everything ,, and he is controlling everything ,,

I KNOW HE CAN GIVE ME whatever i want if i asked him -Subhanahu Wa Ta'ala-

I HAVE HAPPINESS

For being a MUSLIM :)

Alhamdu Lellah 

~

Pink 14: محاولتي دعوة إحدى المدرسات الغير مسلمات إلى الإسلام -٢-

السلاآآآم عليكم ورحمة الله تعالى وبركاااااته !!

مينا كيفكم؟
فاكريني @@ ؟
يب يب  (o´ω`o)
أنا صاحبة المدونة النايمة دي!
ريني ديـــــــس ! (●⌒∇⌒●)

مدري إذا تفتكروا ولا لا،، بس قبل فترة كتبت تدوينة في يومياتي "بنك" عن محاولتي لدعوة وحدة من المدرسات للإسلام ،،
"هنـــــــــاآآآ"
وماكملتها على حس إني أشوف إيش يسير لي بعد المغامرة الخطيرة اللي سويتها  (¬‿¬)
أوك حأكمل دحين بإذن الله (o⌒皿⌒o) 
بســـم الله تبدأ ،،
"
طبعاً بعد اللي حصل داك اليوم وأنا أحاول قدر الإمكان علاقتي بأستاذة (أ) تكوون مررة عاادية ولا كأنه سار شي ولا كأني أنا عملت شي ،، وطبعاً الشي دا مرررة صععععب كنت حاسته بعد التوتر اللي عشته ،،
اللي ريحني إنو المس كانت مرة عادية ولا كأنو شي ،، فقلت شكلها ما شكّت فيّة ولله الحمد ،،

بعدها بكم يوم كنت ماشية وبأتكلم مع وحدة من صحباتي في مبنى المعلمات،، وكنا بنمشي قريب من المدخل " كل ما مدرسة تبغا تدخل ع مكتبها تدخل منه ،،"
ففجأة وأنا ماشية شفتها دخلت ،، المفاجأة مو في دخولها،، المفاجأة كانت في إنها كانت لابسة حجاب على راسها (°ｏ°) !
إيوة وكان لونه رمادي كمان! "لصق اللون في راسي من الصدمة!  (*≧▽≦) "
المهم! في وقتخا قلت لصحبتي:
" هية (أ) مسلمة ؟؟؟!!!!!!! شوفيها لابسة حجاب !! "
أغلب بنات تخصصي مايدروا إذا كانت مسلمة أو لا ،، بس بالنسبة لبنت في حالتي "وبعد اللي صار كمان" كنت من جد أبغا أعرف !

هادا موقف ،،

الموقف التاني حصل بعده بفترة ،، راجعتها كنت أبغا منها كم شي ،، وطبعاً رحتلها في مكتبها ،،

لمن رحت لمكتبها ماكانت موجودة ،، وكان جنب مكتبها بنوتة بتعمل مشروع تخرجها الله يسهلها ويعينها ،، مرة حبوبة ربي يسعدها،،

بدأت تتكلم معايا وتسألني كلمة ع كلمة سألتها ،، " (أ) مسلمة ولا لا؟"

" لا ما أظن ،، "

" بس أنا لقيتها قبل كدا حاطة فاصل كتاب عليه آيات قرآنية في مكتبها !"

" ترا هية عادي تحط وتاخد أشياء زي كدا ديكور عشان تعمل زينا ،، ولا هية ماهي مسلمة "

المحادثة الصغيرة دي غيرت أشياء كتيرة بخصوص نظرتي للمدرسة دي ،،

قلت مستحيل أنا " أو أي شخص " أحتفظ بشي أو أحطه ع مكتبي إن ما عجبني وأقتنعت بجماله وبصحته ،،

ولا؟

المهم جات الأستاذة ودخلنا مكتبها ،، وهناك كانت المفاجأة التاانية ،،

( لقيييت الكتييب اللي رمييته تحت باب مكتبها حاطته ع ستاند الورق فوووق مكتبها ! )

عارفين أنا عاد شعوري كيف كان؟؟ متخيلين قلبي كيف كان يضرب من التوتر؟

ستييين سؤال وسؤال كانوا بيطيروا في مخي ،،

"طيب هي أسلمت ؟ ولا تبغا تسلللم؟؟ ولا تبغا تطّلع ع الكتيب ؟ ولا بس كدا شالته مالقت مكان تحطه فييه؟؟ ولا إييييش؟؟!!! "

قلت في نفسي دام ربي أراد تشيلوا من الأرض وتحطوا ع ستاند الورق فوق مكتبها معناته أكيد ربي رايد خير بالشي دا ،،

طبعاً خلصت شغلي معاها وأنا مخي مو معايا ،،

بصراحة كنت متحمسة ومتوترة في نفس الوقت مدري كيف أشرح مشاعري ،،

بعدها بفترة ،، عملت أنا ووحدة من صحباتي " أمريكية " مشروع لمادة الفيزياء عن " الفيزياء في الإسلام " وكان كل مشروعنا

عن آية ( مرج البحرين يلتقيان ) في سورة الرحمن ،، عن نقطة إلتقاء المياة المالحة بالحلوة ،، وكيف إنهم ما يختلطوا ببعض سبحان الله ،، المشروع كان كله يتكلم عن الإعجاز العلمي في القرآن وعن قدرة الله سبحانه وتعالى ،، فكان من أول أهدافنا أنا وصحبتي "المدرسات الغير مسلمات" بشكل عام ،،

في يوم المشروع ،، كنا ملصقين الآية مع العنوان Physics in Islam ،،

طبعاً عرض المشاريع كان وقت اللنش بريك ،، فمرت أستاذة (أ) من عند مشروعنا وقالتلي،،

" هادا مشروعكم ؟"

" إيوة مس "

قبل ما أكمل كلامي قرأت الآية والعنوان وقالت

" شي يخص الإسلام ؟"

"إيوة "

كانت شايلة سندويتش في يدها بحكم إنو اللنش ،، كملت أكله ورفعتلي يدها تقولي " Good Luck "

ومشيت بسرعة،، وتركتني شبه متأثرة ونوووقطة مجروحة إنها ما شافت ع الأقل إيش كنا بنقدّم في المشروع ..

سبحان الله في داك اليوم ربي يسرلنا وحدة من المسات "هندوسية" ماهي مسلمة جات شافت مشروعنا وجلست تسمعلنا وتتفرج ع الفيلم اللي كنا حاطينه وأتفاعلت معانا الحمد لله ،،

شوفوا أنا كنت أبغا مين تحضر وربي كتب لمين تسمع ؟

الله يهدي (أ) وجميع اللي زيها ويوريهم الخطأ من الصواب ،،

آمييين آميييين آميييييين ،،

حاجة أخيرة حابة أقولها قبل ما أختم تدوينتي :

كل واحد فينا لازم يسعى باللي يقدر عليه ،، حتى لو كان شي بسيط،، ياما كانت إبتسامة ود سبب في إسلام الكثيرين ،،

فلا نقعد نقول مانقدر وماعندنا الجرأة ،، الحمد لله الأيام دي سار في مطويات ومواقع وروابط للصبح ،، فاللي ماعندي جرأة كافية

"زيي في أغلب الأوقات" يقدر يوزع مطويات أو يحطها في أي مكان توصلها أيدي الناس الغير مسلمين ،، حتى لو قري ومشي

صدقوني إلا رح يتحرك في قلبه شي لو ربي رايدله خير ،، صحيح ( أ) ما أسلمت، مستحيل أساسا تسلم بسرعة قبل ما تقتنع ، بس أنا متأكدة بإذن الله ما احتفظت بالكتيب عندها لمجرد الاحتفاظ به، وكونها مشيت بسرعة من قدام مشروعي إن دل على شيء فأنا أشوفه يدل إنها عارفة إنو مشروعي يتكلم عن شي صحيح وماتبغا تخربط نفسها ،، الله يشرح صدرها للإسلام وجميع غير المسلمين ،،

وأذكركم بقول حبيبي رسول الله:

"لأن يهدي الله بك رجلاً واحداً خيرٌ لك من حمر النعم" -رواه مسلم-

اللهم أعنا على تبليغ رسالتك بالطريقة التي تليق بها وعلى أكمل وجه ،،

آمين.

في أمان الكريم،،

ماذا تعلمنا من الأستاذ أحمد الشقيري عن اليابان في رحلته ..؟

في الحقيقة كان برنامج خواطر5 أفضل مآشاهدته في تلك الفترة وكنت متابع وبقوة لجميع الحلقات كآن بمقدمه أحمد الشقيري يتكلم عن اليابان وقد تم تصويره في اليابان بالكامل. حيث تم من خلال الحلقات المقارنة بين أخلاق النبي وصفات المجتمع الياباني وكيف أنهم يطبقون بعضًا منها وهم على غير الإسلام , وهنا أبرز ماقاله الشقيري عن اليابان:

أتمنى ألا نقول (أريد أن أعيش في اليابان) ولكن أن نقول (أريد أن أعيش في بلدي لأطورها وأجعلها مثل اليابان بل وأحسن).

~

أتمنى ألا نقول (لن نصل إلى ما وصل إليه اليابانيون ولو بعد مئة عام) ولكن أن نقول (سنصل بإذن الله لما وصلوا إليه وأحسن خلال جيل واحد فقط..فهذا كل ما نحتاجه لتغيير أمة بأسرها).

~

أتمنى ألا نقول (لا نريد أن نرى تجارب غيرنا) ولكن أن نقول بكل تواضع (فلنستفد من تجارب غيرنا حتى نرتقي).

~

أتمنى ألا نقول (عندنا خير كثير في العالم العربي ونحن راضون عما نحن فيه) ولكن أن نقول (صحيح لدينا خير في بلادنا ولكنه لا يكفي ونطمح إلى المزيد من التطور بشكل مستمر وأسرع فالعالم من حولنا يسير بسرعة الصاروخ ولا يكفي أن نمشي لنتقدم).

~

أتمنى ألا نقول (أصبت بإحباط شديد من رؤية ما وصل إليه اليابانيون) ولكن أن نقول (لدي أمل كبير أن نصل إلى ما وصل إليه اليابانيون فهم بشر مثلنا وكما وصلوا فيمكن أن نصل).

~

أتمنى ألا نقول (ليس بيدي شيء أفعله فالأوضاع صعبة) ولكن أن نقول (لا شيء مستحيل والمهم أن أفعل كل ما في وسعي وطاقتي في المجال الذي أنا فيه وأن أفكر كل يوم بكيفية تحسين أدائي ولو بشكل بسيط ولكن بشكل مستمر).

~

أتمنى ألا نقول (المقارنة ظالمة مع اليابانيين فنحن بلاد ما زالت نامية) ولكن أن نقول (آن الأوان أن نقارن بالأحسن والأفضل وآن الأوان أن نرفع من معاييرنا وأهدافنا وتطلعاتنا لمستقبل بلادنا العربية).

~

أتمنى ألا نقول (إظهار مشاكل العالم العربي فضيحة) ولكن أن نقول (إظهار مشاكلنا ضرورة لعلاجها ، فخمسين في المئة من علاج أي مشكلة يأتي بالاعتراف بها أولا).

أتمنى ألا نقول (السبب هو الآخر فالشعب يلوم الحكومة والحكومة تلوم الشعب) ولكن أن نقول (السبب هو نحن… فكلكم راع وكلكم مسئول عن رعيته…فالشعب راع ومسؤول والحكومة راعية ومسؤولة وكل إنسان مسؤول عما هو فيه من موقع في أهله أو وزارته أو وظيفته أو مدرسته).

~

أتمنى ألا نقول (لهم الدنيا ولنا الآخرة)  ولكن أن نقول (فلتكن لنا الدنيا والآخرة معا كما كانت لأسلافنا فقد جمعوا بين العزة والتطور في الدنيا مع أعلى درجات الفردوس الأعلى بإذن الله في الآخرة).

:

:

:

تذكرة:
لم نذهب إلى اليابان للتمجيد ولا للتقليد, ولكن لنأخذ منهم كل مفيد
الحكمة ضالة مؤمن فحيث وجدها فهو أحق بها.

*منقول*

تقرير بسيط عن زيارتي الثانية لمطعم فوشي الياباني + تجربتي لطبق التيمبورا الياباني ^^

السلام عليكم ورحمة الله عالى وبركاته
!!
^^
مينا سان أخباركم؟!
أتمنى تكونوا بخير وفي  كاامل الصحة والعافية :)
طبعاً أدري تقريري دا متأخر وإنو لية فترة عن المدونة وعن كل حاجة تخص التدوين T^T
بس والله الجامعة وماتفعل!
حتى لو كنت فاضية أحس أبغا أجلس أطالع السقف بس وأسترخي!
فدحين الحمد لله ماصدقت الإختبارات عدت على خير الله يجيب نتايجها ع خير كمان ،،قلت خليني أنزل شي جديد xD

تدوينتي هادي حتكون بإذن الله عبارة عن تقرير لزيارتي الثانية لمطعم فوشي الياباني في المنطقة الشرقية ^^
" في الغربية عندنا للأسف مافي :"( ياارب يفتح "
وطبعاً أنا قررت كل ما أوره أحاول أجرب أكلة جديدة ^^
أول مرة جربت الكاري الياباني ،، " هنــــــــا "

فالمرة دي قررت أجرب التيمبورا! -^- يب يب أدري شجاعة! بس لسة شجاعتي هادي ما تسمحلي أجرب السوشي مازلت مرعوبة منو مدري ليه مع إنو كتيير يمدحولي فيه @@

للي مايعرف التيمبورا هي أكلة عبارة عن روبيان مقلي في دقيق التيبمورا،،


طبعاً "زي ما صار المرة اللي فاتت" أهلي مستحيل يودوني المطعم دا بسهولة :(
وكل ما أقولهم أبغا أروح يقعدوا يتمصخروا علية وع طعم الآكل الياباني وكيف إنو ما ينطاق "الله يكرم النعمة" من وجهة نظرهم ،، وإنهم مايبغوا ياكلوا ياباني!
طيب أنا عاجبني طعمه :( ومو ضروري ناكل كلنا لو بس آخد أكلي تيك أويه ،، مو ضروري نجلس T^T
المشكلة إنو الكلام دا كله يصير قدام مدخل مطعم فوشي لمن نوقف عند الإشارة اللي جنب الفندق اللي نازلين فيه :"(
شعور مؤللللللللم T^T

طبعاً جلست ع الحال ألين ما فضل يوم واحد وتنتهي سفرتنا للشرقية ،، طبعاً حجة ريني فقدت الأمل مرة! xS
بجد والله فقدت الأمل ! :""(
سرت أقعد ورا في السيارة حاطة يدي ع خدي وكل ما مرينا من جنب فوشي أتنهد بألم :$ "متعوب على -ألم- ترا!"

إلا فجأة بابا يقولي " يلا أنزلي أشتري أكلك الياباني "
أنا: O_o
بابا: يلا بسرعة عشان نلحق نروح له مشي لأنو مرة زحمة!
أنا: D:
وع طوول نطيت من السيارة وأنا فاتحة كاميرا جوالي وهاااااتك يا تصوير ^ـ^

أنا للأسف صورت المدخل والدرج بس "فيديو" ^^" بإذن الله أزبطة وأرفعه لكم تشوفوه لو قدرت!
طبعاً تبااااااارك الرحمن زي منتو شايفين في الصورة الديكور والترتيب في المطعم شي شيي خيااالي!
ألوان وتنسيق مرة مريح للأعصاب ^^ شي شيي تستمعوا وإنتو تطلبوا،،

طبعاً أنا أول ما جا النادل ياخد الطلبات قلتلو "تيمبورا! ^^ " بكل ثقة!
فتح الآدمي المينيو قدامي يبغاني أتأكد قلي عقلوا ما أعرف إيش عندهم كمان ،، مايدري إنو المينيو كاملة حقتهم عندي أخدتها من الزيارة الأولى xD
قلتلو إيوة تيمبورا ،،

بس وطلب مننا نستنا شوية ألين ما يحضرلنا الطلب لأني أبغا آخده معي الفندق ^^

بعد ما جبلنا النادل الله يجزاه خير الطلب ،، دفعنا وع جول جري ع الفندق ،،
تبارك الرحمن كانوا حاشيين العلبة بقللللللللب!
تبارك الرحمن حاطين ٤٠ حبة بالزبط!
مطبقين مباديء الكرم السعودي خخخخخ أغررررف وكل بالعافية!
مع إنو مو شي صحي أبداً للأسف *^* الكرم يا كون في الطفس!

الموووهيم! ^^
رجعت البيت وبسررعة فكيت التشوبستيكس حقتي وفتحت العلبة وهادا اللي كان قدامي!

طبعاً كانوا حاطينلي كيس صغير كنت أحسبه بطاطس مقلية :$ ومرة كنت مبسوطة ألين ما فتحته واكتشفت إنو سلطة للتيمبورا بصلصة الصويا :/ يلا عادي سامحتهم xD !!

الموهييييم! ^^
ريني أوبا-تشان من أول نظرة أتخيلت إنها حتدوق شي طعمه زي طعم الجمبري المقلي حق مطعم البيك "جونااااني"
فعشان كدا أخدت لقمة كبييرة وع طول جلست تمضغها بدون تفكير ،،
وكانت الصدمة!!!! xSS

دقيقة لحظة عشان أكون صريحة! الطعم ما وحش أبداً!!
بس عشان تعرفوا قصدي بالصدمة ،، أتخيلوا إنكم بتاكلوا سمك بدون طعم،، تماماً بدون أي طعم أبداً وبدون مبالغة!
في البداية من جددد أنصدمت لأني كنت متخيلة شي " زي جمبري البريك " ،، ونسيت تماما إنو الأكل الياباني بعض أكلاته بهاراتها قليلة ^^" "المرة اللي فاتت جربت الكاري وكان مرة مبهر بطريقة حلوة فجا ع بالي التيمبورا تكون زيو"

فأخدت التيبمورا وغطستها في سلطة الصويا ،، وكان طعمها جيد جداً ،،
يعني بإختصار تقييمي للتيمبورا اللي دقته جيد جداً ،،
شكلهم ما صفوه من الزيت مزبوط كمان لأني بعد كم حبة حسيت كأني ماسكة قارورة زيت وبأشرب منها :/

الفائدة اللي "أنا" أطلع منها من التجربة القميلة اللي فوق :
إحتمال ما آكل التيبمورا مرة تانية إلا بعد فترة ألين ما أنسى طعم الزيت الرهيب اللي كان معاها :S
غير كدا ممكن أجربها بس بعدييييين مرة بإذن الله ^^


إذا حابين تشوفوا الصور أوضح حأنزلها بإذن الله في إنستجرامي وتويتري وتمبلري! <- p="p" xd="xd">تقدروا تلاقوا كل حساباتي ع النت ع صفحتي هنــــــــــا


أتمنى يكون تقرير البسيط وتجربتي الأبسط عجبتكم ^^
ولو كنتوا جربتوا أكلة يابانية قبل كدا يسعدني أعرفها وأعرف رأيكم فيها لحتى أحاول أجربها ،،
أو ممكن أنزل تجاربكم في تدوينة من تدويناتي لو كانت كتيرة بإذن الله :$

في أمان الكريم ..