Reni no Mise 9: تجربتي لماسكرا كلمب ديفي من ماكس فاكتور ✿ Max Factor's Mascara Review-Eng. Translation-

السلام عليكم ورحمة الله وبركاته
كوينز !
فيديو جديد ولله الحمد !
لو عجبكم لاتنسوا اللايك والشير والسبسكرايب عشان توصلكم تنبيهات بالفيديوهات الجديدة مستقبلاً بإذن الله !

:) If u liked this Video Please don't forget to like, share and subscribe for more Insha'a Allah

Reni no Mise 9: ✿ تجربتي لبي بي كريم غارنيير ✿ Garnier BB Cream Review ✿

السلام عليكم ورحمة الله وبركاته
كوينز !
فيديو جديد ولله الحمد !
لو عجبكم لاتنسوا اللايك والشير والسبسكرايب عشان توصلكم تنبيهات بالفيديوهات الجديدة مستقبلاً بإذن الله !

:) If u liked this Video Please don't forget to like, share and subscribe for more Insha'a Allah


-التدوينات- السابقة من Reni no Mise :
Reni no Mise 1 "تجربتي لبعض منتجات العناية بالبشرة والشعر"
http://reni-sakuragirl.blogspot.com/2...

Reni no Mise 2 "تجربتي لبعض المنتجات التجميلية"
http://reni-sakuragirl.blogspot.com/2...

Reni no Mise 3 -تجربتي مع لصقات كرست لتبييض الأسنان-
http://reni-sakuragirl.blogspot.com/2...

-الفيديوهات-
Reni no Mise 4 - مشترياتي من صيدلية النهدي ، Drugstor Haul
http://www.youtube.com/watch?v=Rlv815...

ٍتجربتي للبي بي كريم الكوري من Skin79 -البنك-♥ Reni no Mise 5: Skin79 Korean Pink BB Cream Review 
http://www.youtube.com/watch?v=A2Qyr0...

Reni no Mise 6: رحلتي بين صفحات كتاب بيكاسو وستاربكس ✿ 
http://www.youtube.com/watch?v=V2jn99...

✿ [VLOG] فلوغ أول يوم رمضان ٢٠١٤ + إعلان #RamadanwithReni 
http://www.youtube.com/watch?v=0WHeJn...

✿ جلسة حش مو طبيعية :$ ✿ 
http://www.youtube.com/watch?v=KdifXT...

Reni no Mise 8: مشترياتي من ماركة إضافة + GiveAway لطالبات كلية ينبع الجامعية 
http://www.youtube.com/watch?v=d1og0v...

قعقع/جوز بالسكر والعسل ، سناك صحي وخفيف في وقت قياسي ! ✿ How to make a quick healthy snack 
http://www.youtube.com/watch?v=au01oF...

Reni no Mise 7: مشترياتي من ذي بودي شوب + تجربتي ليها باختصار ✿ The Body Shop Haul + Short Review 
http://www.youtube.com/watch?v=V72iuV...

طريقة عمل خبز السكونز بالبصل الأخضر والجبنة ✿ How to make Green Onion and Cheese Scones 
http://www.youtube.com/watch?v=8eTXiU...

-موكا فرابتشينو- مشروب بارد ومنعش للصيف في وقت قياسي! ✿ How to make Mocha Frappuccino 
http://www.youtube.com/watch?v=9BQr6C...

سلطة "غموس" للشيبس والفاست فود في أقل من دقيقتين✿Potato chips&Fast food Salad in less than 2 minutes 
http://www.youtube.com/watch?v=svaC_G...

✿ #كلنا_نبتسم ✿
http://www.youtube.com/watch?v=iNCeot...

✿ ✿ ✿ ✿ ✿ ✿ ✿ ✿ ✿ ✿

My Dooid 
كل المواقع اللي أنا مشتركة فيها حتلاقيها هنا بإذن الله
http://www.dooid.me/reni-sakuragirl

My Personal Blog
مدونتي
http://reni-sakuragirl.blogspot.com

My Twitter
تويتري
https://twitter.com/Reni_SakuraGirl

My Ask.fm (if U have any question :) )
الآسك ،، إذا عندك أي سؤال :)
http://ask.fm/renisakuragirl

My Instagram
إنستغرامي
http://followgram.me/reni_sakuragirl

My Tumblr
تمبلري
http://reni-sakuragirl.tumblr.com

My Vimeo
فيميو
https://vimeo.com/renisakuragirl

Reni no Mise 7: مشترياتي من ذي بودي شوب + تجربتي ليها باختصار ✿ The Body Shop Haul + Short Review

السلام عليكم ورحمة الله وبركاته
باك ولله الحمد بالفيديو السابع من سلسلة ريني نو ميسي "متجر ريني" 
^^
عقبال المية يارب!

في الفيديو دا حابة أستعرض مشترياتي من ذي بودي شوب وتجربتي ليها باختصار ،،

الأسعار تلاقيها هنا في تدوينة Reni no Mise 7 :)


✿ ✿ ✿ ✿ ✿ ✿ ✿ ✿ ✿ ✿

لو عجبك الفيديو لاتنسي تعملي لايك وشير وسبسكرايب للمزيد،، مارح تتعبك وحتحمسني بعد الله في إني أعمل فيديوهات أكتر من هادا النوع في المستقبل إن شاء الله :)

:) If u liked this Video Please don't forget to like, share and subscribe for more Insha'a Allah






في أمان الكريم ،، ~

Reni no Mise 6: رحلتي بين صفحات كتاب بيكاسو وستاربكس ✿

السلام عليكم ورحمة الله وبركاته !
^^
باك ولله الحمد بفيديو جديد عن كتابي المفضل "بيكاسو وستاربكس"
حبيت أفيدكم بشوية معلومات عنه،، 
-طبعاً بحكم إننا في شهر رمضان أتمنى الكتاب مايلهيكم عن قراءة القرآن الكريم واللي هية أهم شي في الأيام الفضيلة هادي-
:)

أتمنى يعجبكم الفيديو/الكتاب وتستفيدوا منه ،،

✿ ✿ ✿ ✿ ✿ ✿ ✿ ✿ ✿ ✿

✿ ✿ ✿ ✿ ✿ ✿ ✿ ✿ ✿ ✿

لو عجبكم الفيديو لاتنسوا تعملوا لايك وشير وسبسكرايب للمزيد،، مارح تتعبكم وحتحمسني بعد الله في إني أعمل فيديوهات أكتر من هادا النوع في المستقبل إن شاء الله :)

:) If u liked this Video Please don't forget to like, share and subscribe for more Insha'a Allah

Reni no Mise 5 : تجربتي للبي بي كريم الكوري من Skin79 -البنك-♥ Skin79 Korean Pink BB Cream Review

السلام عليكم ورحمة الله وبركاته
!!
^^

أخ ـــباركم جميلاتي؟! إن شاء الله في تمام الصحة والجمال والعافية !
فيديو التدوينة دي حيكون عن تجربتي للبي بي كريم الكوري -البنك- من Skin79 للبشرة الدهنية ،،

بالنسبة للمكان اللي أشتريته منه ،،
أنا أشتريته من النت من متجر الأسطورة ،،
سعره بـ 150 ريال

ممكن تلاقيه في أمازون والمواقع المعروفة دي ، وكمان مواقع المكياج الكورية ،،

-بصراحة أنا مالية في كوريا أبداً، بس من جد أعترف إنو منتجات العناية بالبشرة والمكياج حقتهم حللوة !
أكتشفت كمان إنو كتير يابانيات يستخدموها بدل المنتجات اليابانية ، لأن المنتجات الكورية مستواها عالي في العناية بالبشرة ، بس ترى كلامي مو معناه إنو مافي شي ياباني حلو ،، ^^" فيه بس الكوري معروف أكتر ،، -

أتمنى إنو يعجبكم الفيديو وتستفيدوا منه ^^
إن فادك يا جميلة لاتبخلي ع غيرك بالفيدة وشاركيه صحباتك وقريباتك الحلوات ،
ولا تنسوا اللايك والشير والسبسكرايب ،، :)
ترا دا الشي ماياخد من وقتك كتير ويرفع من معنويات بعد الله في إني أعمل فيديوهات أكتر مستقبلاً بإذن الله ،،

إلى فيديو/تدوينة قادمة بإذن الله،،
في أمان الكريم ،، ~

Reni no Mise 4 "مشترياتي من صيدلية النهدي"

السلام عليكم ورحمة الله وبركاته !
^^
كيف حالكم يا جميلات؟
إن شاء كله تمام معاكم !

تدوينة اليوم مختلفة شوية من ناحية أسلوب العرض ^^ لأني عاملتها ع شكل فيديو بدل الصور ،،
حسيته أسهل كتير لأني أصور كل شي مرة وحدة بدل ما أقعد أصور كل منتج لوحده وأعدل ع الصور وشغللله ،،
الشي الوحيد اللي يتعبني شوية في الفيديو التأثيرات والأصوات وشغل البحث عن مقطع أنشودة أو مؤثرات مناسب ^^"
الله يعين ويسهّل !

طبعاً عملت قناة في اليوتيوب ولله الحمد عشان أرفع عليها فيديوهات ريني نو ميسي وأي شي تاني يخبط في راسي أعمل فيديو عنه ^^

قنـــــــــــــــاتي

الموهييم يا حلوات ،،
في التدوينة دي من ريني نو ميسي حابة أشارككم مشترياتي من صيدلية النهدي ..
المنتجات اللي أشتريتها هي تقريباً منتجات ما أستغني عنها ،،
ممكن كل مرة أحاول أغير النوع/الشركة بس الغرض من المنتج يفضل واحد ،،
مثلا المرة دي أشتريت غسول نيوتروجينا المرة الجاية أشتري غسول بس من كلير آند كلير ،، "مثلاً " ،،

فعملتها في مقطع فيديو وحطيت رأيي بخصوصها بشكل بسيط مرة ^^ لأن الفيديو مجرد استعراض مشتريات مهمة لا أكثر ولا أقل ،،

بالنسبة للأسعار -بالترتيب الموجود في الفيديو- :
غسول نيوتروجينا المقشر بالجريب فروت الوردي: ٤٠ ريال
كريم الجليسوليد: ٧ ريال
سكروب الجسم من Kustie: ١٧ ريال
ملمّع الشفايف من لابيللو: ١١ ريال
معجون أسنان ألودنت: ١٨ ريال
المناديل المعطّرة المضادة للبكتيريا: ١٤ ريال
شاور جِل "ليل" من عبد الصمد القرشي: ١٩ ريال

طبعاً معروف إنو ممكن تلاقي فرق بسيط في الأسعار لو اشتريتها من مكان تاني غير الصيدلية ،
-ممكن تكون أرخص شوية-
....

الفيديوووو ^0^

أتمنى تدعموا قناتي الصغنطوطة باللايك والشير والسبسكرايب،،
ترى الشي دا يدعمني ويحمسني بعد الله تعالى إن أعمل فيديوهات أكتر من النوع دا ،،

أي استفسار أو سؤال أتفضلي ع صفحتي في الآسك هنــــا


إلى تدوينة قادمة بإذن الله ..~

في أمان الكريم ..~

Reni no Mise 3 -تجربتي مع لصقات كرست لتبييض الأسنان-

السلام عليكم ورحمة الله وبركاته !
كيف حاالكم جميلاتي ؟ ^^
إن شاء الله تكونوا بخير وفي تمام الصحة والعافية!

أدري مستغربين وتسألوا نفسكم ،،
مو كأنوا ريني قالت حتكون سلسلة ريني نو ميسي شهرية؟ طيب فينها من زمان؟
حابة أقولكم إني غيرت رأيي تماما بخصوص السلسلة إنها تكون "شهرية" ،،
يعني ، بعض الأحيان يكون صعبة إني أستخدم شي وأكتب عنو وأنا لسة ما أخدت وقتي في تجربته ،
فما حأقدر أكتب عنو شي قبل ما أقتنع بيه ،، لأني بصراحة ما أعرف أعطي رأيي بخصوص شي إن ما قعدت أجربه فترة،
فقررت إنها تكون غير محددة!
يعني كل ما جبت شي وشفت نتايجه وعجبتني بإذن الله مارح أبخل برأيي عليكم ^^ عشان كدا خليكم قريبين راجعتلكم بكل شي إن شاء الله يعجبوكم ،،
أهاا إيوة صح ،، قرار تاني!
رح أتكلم في كل تدوينة عن منتج واحد فقط؟
لييييش؟؟!! @@
لأني بصراحة حسيت إنو لمن أتلكم عن كذا منتج في تدوينة وحدة في منتجات ما تاخد حقها :/
فحبيت إني أعطي كل منتج نفعني حقققه بتدوينة كاملة عنو يسير آخد راحتي وأشرح بالتفصيل الممل عنه،
مو أحسن كدا؟ :$
طبعاً أكيد رأيكم يهمني كمان! ^^

في التدوينة الجديدة دي من محل ريني حابة أتلكم عن تجربتي للصقات كرست لتبييض الأسنان من البداية للنهاية!
Crest Whiestripes

طبعاً أنا من زمان كنت بأقرا إعلانات للصقات هادي وكيف إنها صارت تجاري الليزر في تبييض الأسنان ،،
وطبعاً إستخدامها أسهل لأنو تقدري تعمليها وإنتي في بيتكم بدون ما تخرجي وتتبهدلي في غلبة مواعيد المستشفيات ،
والحلو كمان إن لمن قرأت ودورت أكثر لقيت أغلب الأمريكان عليها ،،
مافيها ضرر ع طبقة المينا بإذن الله ،، وآمنة جداً، وحتلاحظي فرق بعد أول،، والتبييض يستمر لمدة ١٨شهر تقريباً إن شاء الله،،
-طبعاً لمحبات القهوة والأشياء اللي ألوانها غامقة أو مصبوغة لازم تقللي مرة من الأشياء دي لأنها طبيعي ختخرب التبييض  حق أسنانك حتى لو عملتيه في عيادة-

وأشياء كتيرة غيرها حمستني أشتريها..
النوع اللي جربته أنا كان إسمه
Crest WhiteStrips -Intensive Professional Effects-

-الصور ليست من تصويري-

أشتريتها من متجر ع النت ،، سعرها ٢٧٠ ريال
تحتوي ع ٧ مغلفات كل مغلف جوته شريطين للتبييض ، واحد للفك العلوي والتاني للسفلي ،،
تحطيها لمدة ساعتين في اليوم لمدة ٧ أيام

في حاجة حابة أنوه قبل ما أكمل التجربة ،، لصقات كرست في منها كذا نوع ع حسب نوع أسنانك إذا كانت حساسة أو لا "و ع حسب مفعولها كمان؟" أهم شي إنك تشوفي النوع اللي يناسب أسنانك لحتى تحصلي ع نتائج أفضل بإذن الله ،،
"إذا ماكنتي عارفة أفضل إنك تسألي دكتورة أسنانك ع أفضل نوع ليكي إذا حابة عشان تطمني أكتر ^^"
غير كدا مدة إستخدامك للصقة يختلف من نوع للتاني ،، زي اللصقات اللي أستخدمتها أنا تحتاج تقعد ساعتين لمدة ٧ أيام، وفي أنواع تحتوي ع ١٤ مغلف تقريبا تستخدميها لمدة ٣٠ دقيقة في ١٤ يوم ،، يعني كل نوع وطريقة إستخدامه،،

طريقة الإستخدام:
تفتحي فمك قد ماتقدري وتحاولي تنشفي أسنانك بمنديل من ورا ومن قدام للفكين العلوي والسفلي عشان تلصق اللصقة مزبوط ع أسنانك ، مو ضروري تفرشي أسنانك قبلها بس أهم شي مايكون في بقايا أكل صغيرة بين الأسنان عشان ماتمنع اللصقة إنها تثبت مكانها ،، وبس تحطي اللصقة بالطريقة الموضحة في العلبة وتستني المدة المكتوبة في طريقة إستعمال النوع اللي بتستخدميه ^^ ،،

طبعاً أنا ما كنت أدري إنها أنواع :|
وأشتريت النوع اللي لقيته قدامي! << متحمسة الأخت!
أول يوم بدأت أجربها صراحة حسيت إنو أطراف أسناني أتغيرت وفتحت وصار لون أسناني بشكل عام أفتح الحمد لله ،،
يعني حسيت إنو سعرها فيها TvT
تاني يوم إستخدام كان مرة مسلي وكماان الحمد لله أسناني فتحت أكتر ،،
الشي اللي كان مريحني إنو مو لازم أستخدمها مدة ٧ أيام ورا بعض ،، ممكن خلاص أوقف إذا حسيت إني راضية بدرجة التبييض اللي حصلت عليها ،، لأني ماكنت أبغا أسناني تكوون مرة داك البياض اللمبة! كنت أبغى لونها يكون أبيض طبيعي يعني مووو مرررة أبييييض! فكنت متحمسة أعرف كيف حتكون النتيجة ..
طبعاً بعد ما شلتها بعد تالت يوم إستخدام ،، حسيت بشي غريب في أسناني !
( طبعاً أنا أسناااني جددددا حساااسة يعني لو أكلت آيسكريم ممكن كل شوية أوقف بسبب الألم الناتج عن برودة الآيسكريم،، والنوع اللي بأستخدمه ماهو للأسنان الحساسة ،، فالغلط مني أنا مو من اللصقات أبداً،، لأنو فيه نوع للأسنان الحساسة بس محدثتكم ماكانت تدري )

الألم اللي حسيت بيه كان خفييف مرة ،، بس مزعج كونه إستمر معايا اليوم كله ،،
ماحيفهمني ويحس بيه إلا صاحبات الأسنان الحساسة ،، لمن تشربي شي بارد ولا تحاولي تكوني شجاعة شوية وتاكلي ثلجة ولا لقمة آيسكريم،، إيش يسير في أسنانك؟
عرفتوه؟ إيوووة هوة دا شعوري في داك الوقت ^^
الموهم،،
قررت أوقف إستخدامها كم يوم ألين ما يروح الألم -اللي ما أستمر يوم كامل الحمد لله- ،، - مع إني لسة ماوصلت لدرجة البياض اللي أبغاها-
والشي اللي عجبني أكتر في اللصقة إني حتى بعد ما تركتها مدة طوييلة -يمكن شهرين تقريباً- لون أسناني ما أتغير مرة
ولله الحمد،،
رجعت أستخدمها قريب ،، يمكن ع الأسبوع اللي فات ،، بس أترك فاصل يومين تلاتة بين كل إستخدام بسبب إنو أسناني حساسة ،،
والحمد لله دحين فاضلي مغلف واحد بس وأخلص العلبة ،،
طبعاً لو حطينا المدة اللي تركت فيها اللصقات + الفواصل الزمنية اللي أحطها بين كل إستخدام
تكون درجة التبييض اللي حصلت عليها -بالنسبة لية- جداً حلوة ولله الحمد ،،
يعني معطية أسناني بياض منعش !
كيف منعش ريني؟ -ــ-"
يعني أحس اللي يشوف أسناني يحس إنها نظيفة ومنتعشة الحمد لله ^^ مو كفاية؟
غير كدا درجة التبييض اللي حصلت عليها مرضية جداً مقارنة باللعب والخربطة وطريقة الإستخدام اللي خربطتها من عقلي ^^" يعني أتخيل لو مشيت ع الأيام مزبوط وحطيت كل لصقة في وقتها أعتقد حتبهرني اللصقات دي ويمكن نتايجها كانت حتكون أقوى ..
بس عن نفسي أبغا أكون في السليم مع أسناني الحساسة وأمشي معاها بالهداوة شوية ^^"

كانت تجربة جداً ممتعة ولله الحمد ،،
كل ما أفك اللصقة أقعد فاتحة فمي قدام المرايا زي الوحش أتأمل التغيرات وأفرش أسناني وأبتسم لنفسي زي المجنونة ^^
خخخخخ!
بس خرجت من التجربة دي برغبة إني أبغا أرجع أجرب نفس اللصقات بس للأسنان الحساسة بإذن الله ،، وأكيد وقتها حأشارككم تجربتي معاها ^^

أظن إني كتبت كل شيء ،، صح ؟ في شي ناقص؟
لو عندكم أي أسئلة أتفضلوا حياكم أسألوا اللي تبغوه هنا عن طريق تعليق في المدونة أو ع تويتري أو في صفحتي ع الآسك،، كوووول أبوووهم تلاقوهم هنــــــــــــا

أتمنى تكون تجربتي عجبتكم ^^
ترقبوا التدوينة القادمة من محل ريني قريييباً بإذن الله ،،
إلى ذلك الوقت ،،
دمتم في أمان الكريم.

Reni no Mise 2 "تجربتي لبعض المنتجات التجميلية"

السلام عليكم ورحمة الله وبركااااته!

^^
كيف حال الحلوات؟ إن شاء تمام وبكل صحة وعافية وجمال :)

الحمد لله تاني تدوينة من Reni no Mise! عقبال المية آميين!
سعيدة جداً بالتفاعل الجميل مع التدوينة الأولى " هنا للي ما شافتها :) "

سواءً عن طريق تويتر أو هنا ع بلوجر!
بجد بجد شكراً لكل عسولة شجعتني وحمستني أكمل!
إن شاء الله أكون عند حسن ظنكم وأنفعكم باللي أقدر عليه،،

قبل ما أستعرض منتجات التدوينة دي،، حابة في البداية أنزل مشاركة حلوة من وحدة سكر هنا ع بلوجر،،
للأسف ما كتبت إسمها،، أتمنى من كل قلبي أعرفه لحتى أضيفه لمشاركتها :)
"اهلين ~ 
بصراحه التدوينه وااو و مره متحمسه لباقي التدوينات!! اسلوبك جددا جمييييل وجذاب الله يحفظك يعني احس ودي الحييين اروح اشتري كل المنتجااات اللي ذكرتيها 
وبالنسبه لي استخدم الغسول المقشر من كلين اند كلير كويس
واحيانا صرت استخدم صابون فازلين الجديد اللي لونه وردي نسيت اسمه < كفف XD بصراحه رهيب ويبيض بشكل!! اول ما تغسلين وجهك تحسين بالفرق! حتى صديقاتي لما شافوني قالوا وش عندك حاطه فاونديشن بالمدرسه خخخخخخ يعني شي مدهش! < بالله؟ هههههههههههه
موفقه 
Keep up & Good luck"

جربت قبل كدا كذا منتج من كلين آند كلير من بينهم مزيل الرؤوس السوداء "كان جيد الصراحة" ،، منتجاتهم حلوة وخفيفة تبارك الرحمن،،

بس بالنسبة لصابون فازلين صراحة ما سبق جربته! بس حمستيني أجربه **

يعطيك العافية حبيبتي ،،

وأحب أفكر للي عندها أي مشاركة،منتج أي أي شيء في الحياة اشترته وفادها فيما يرضي الله طبعاً ^^ وحابة تفيدنا بيه،، تقدر ترسلي هوة هنا ع بلوجر، أو في تويتر لو حابة @Reni_SakuraGirl أو الآسك حقي من هنا،، http://dooid.me/reni-sakuragirl

بعد كدا نبدأ بمنتجاتنا الجديدة ^^

١- طبعاً أنا كنت حابة تكون التدوينة التانية كلها عن الميك آب، بس الشي دا خلاني أغير رأيي!

للي تشوفه أول مرة ممكن تحسبه عدسة كاميرا ^^ وهو في الآساس كوب/Mug للمشروبات!

جمييييل جمييييل تبارك الرحمن بطريقة! *٧* سمعت عن وحدة قبل كدا كانت تبيع الصغير بـ ١٢٠ والكبير بـ١٥٠ ،،

وأنا لقيته في محل السيف بـ ٥٥ ريال بس!

مين يصدق؟!

أكيد أخدته بدون تفكير!

شكل مرة جميل وأحسه مميز لأن مو كتيرين يعرفوه،،

صورتلكم شكل كيس المحل لحتى تعرفوا شكل ^^"

للأسف المحل ماله فروع غير في ينبع وجدة والطائف ( زي ماهو مكتوب ع الكيس )

خخخخخ مين لاحظت إنو اللي مكتوب ع الكاميرا Caniam مو Cannon ؟

أنا اشتريته وما انتبهت كنت قاريتها كانون !

٢- المنتج التاني دا أفضل شيء أشتريته من منتجات المكياج في حياتي! بجد والله ما أمزح!

عبارة عن بيس "أساس ستان" تحطيه ع بشرتك قبل المكياج لحتى يحميها! بجد بجد شي خياااااالي!

إيش اللي يخليكم تقعوا في حب المنتج دا؟

إنو أنا إنسانة بشرتها جدا جددددا حساسة من أي شي أحطه ع وجهي "من المكياج"

بس الأساس دا ريحني بطريقة لا توصف الحمد لله!

ملمسه مرررررة خفيف وناعم زي الساتان، شفاف، ماله ريحة، للبشرة الحساسة، ضد الحساسية

( من الأشياء المكتوبة ع العلبة نفسها )

أشتريته من الدمام، الشاطئ مول، محل إسمه Black & White "طبعاً المحل بكبره تبارك الله قصة حب تانية"

سعره ٣٥ ريال بس!!!!!!

وترى للي شايفين العلبة صغيرة،، أنا كمان كنت مرررة شايفتها ماتكفي،، بس بعد التجربة اكتشفت إنو نقطة

صغيرة ممكن تغطي خدي كله! يعني تحطي نقطة صغيرة تدهنيها بأصباعك ع جفنك، جبينك " المكان اللي حتغطيه بالمكياج" وشوفي النتيجة!

أفتكر أول مرة أستخدمه فيها كنت مسافرة المدينة "أول يوم العيد" وطبعاً لازم أحط مكياج..

أستخدمت الأساس دا ومن الساعة ٩ لأكثر من الساعة ٣ الفجر والمكياااج زي ماهوة كأني دوبي حاطته!

يعني ميزة جديدة فيه إنو يحافظلك ع المكياج ويحمي البشرة من إنها تمتصه،،

حتى لو ربي أراد وحكيتي/عركتي عيني ، أو جات يدك ع المكياج بالغلط،، لاتخافي مارح يتمسح بالساهل ^^

طبعاً أستخدمت لوشن مزيل المكياج من نيوتروجينا اللي أتكلمت عنه في التدوينه الأولى لحتى أمسح المكياج+ الأساس،،

مررررة راااائع لكل وحدة بشرتها تمتص المكياج بسرعة، أو تتحسس بسرعة

٣- قلم آيلاينر سائل من لووك،،

مرة ممتاز للبنات اللي يحوسوا في رسم الآيلاينر زيي ^^!

أحب لمسة الآيلاينر فوق العين! أحس حتى لو بدون شادو أو أي شي تاني، وجود الآيلاينر بالنسبة ليه يكفي،،

والقلم دا ساعدني بعد الله إني أرسم أي رسمة أبغاها بكل سهولة، والحلو فيه لو أبغا أعدل ما يبقع ولا يخرب شكله،،

ينشف ع العين بسرعة،، ويتمسح بسرعة لو حابة تعدلي بدون مايوسخ عينك،،

وترى تبارك الرحمن فيلو بركة! :) يعني أنا القلم نفسه عندي من سنة؟ سنتين؟ ناسية بس مشتريته من زمان،،

عشان كدا ناسية السعر ^^" "بووكس!"

٤- قلم كحل أبيض برضو من لووك "جميلة أشياءها الماركة دي"

يعطي لون مررة حلو وخفيف ونااعم للعين،، بس اللي ماعجبني فيه إنو مايرسم بغزارة،، يعني أوكي يرسم معايا بس خفيف،،

ممكن بعض الأحيان يعجبني الخفيف بس في أحيان تانية أكون محتاجة لون أبيض قوي،،

سعره ناسيته كمان للأسف لأني مشتريته من الآيلاينر اللي فوق ^^"

بالنسبة لمكان بيعهم أعتقد ممكن تلاقوه في أي محل متخصص في بيع المكياج،، منتشره بكترة منتجات لووك فإن شاء الله تلاقوها بسهولة :)

٥- أول منتج ما عجبني! وحبيت أحذر منو ،،

ممن يكون عجب البعض،، بس أنا حابة أكتب رأيي عنه ،،

أول شي، شفته الكلام المكتوب ع العلبة؟ كلللللله أعكسوه!

أول ما أمسح أظافيري ما تعدي دقايق إلا وهية ناااااااااااشفة! لدرجة إني أحسها مشطبة!

بجد والله مرررة ماعجبتني!

وملياااااانة زييييت يعني أفتح المنديل ألاقيه ينقط مزيل ع قلة فايدة لأنها ماتمسح المناكير بسرعة، يعني ممكن ع اليد الوحدة يروحو منديلين وأحس لسة في أثر للمناكير ما  نزل،،

٦- الشي الجميل دا برضو مزيل مناكير،،

بس دا أعتبره مزيل المناكير المفضل عندي! عكس مناديل جين تماماً!

شوية منو ع قطنة صغيرة ممكن تشيل المناكير من أظافيري كلها تبارك الله! وبدون أثر وبسرررعة!

حتى المناكير اللي بإكليل أو لمن أحط أظافر،، الأشياء دي تتعب لمن تنزليها بس مع دا المزيل مرررة يريح!

قيمة العلبة الكبيرة دي كلها ١٠ ريال بس!

وتجللللللللللللللس ما شاء الله يعني ماتخلص بسرعة زي المناديل،،

٧- الشيء دا مسسسستحيل أستغنا عنه!!!!!

ما أدخل محل تجميل إلا وأسأل عنه! وما ألاقيه! ألين ما لقيته في محل بلاك آند وايت في الشاطئ مول "اللي اشتريت منو أساس الستان" بـ ١٢ ريال بسسس!!!!

عبارة عن  زيت "نقط" تحطيها ع ظفرك "بعد ما تصبغيه بالمناكير" ويخليه ينشف بسرعة!

يعني بدل ما كنت أوقف ساعة قدام المكيف لحتى أنشف مناكيري سرت أحطه وخلال ٦٠ ثانية خلاص أقوم وأتحرك عادي "زي ماهو مكتوب ع القارورة "

مرييح مرة بس عيبه الوحيد ريحته "زي الكلوركس" غير كدا بعد ما تتأكدي إنو مرت ٦٠ ثانية وإنو المناكير نشف،

حاولي تغسلي يدك لحتى يروح الزيت،، لاتتركي عليها إن نشفت أظافيرك خلاص ^^

٨- مآسكارا شفافة من ميشا ^^

جميلة مرة إذا ماكنتي حابة تحطي ماسكارا سودا أو حابة يكون ستايلك ناعم،، تعطيكي لمسة بلل ع رموشك كأنك مغسلتها

*٧* مدري كيف أشرح بس مرررة تعطي جو جميل!

بس المشكلة الوحيدة فيها لو نشفت وكنت مكترة منها ع رموشك ممكن بعد فترة لمن تبدأ تنزل تلاقيها عاملة ع رموشك قشور كأنك حاطة غراء! 

أما غير كدا فهي ماسكارا مرة خفيفة وحلوة تبارك الله..

٩- المنتج الأخير عبارة عن صديق لماسكارتنا السابقة وكل مآسكارات الحياة ^^

مقص الرموش " أو كيرلر الرموش بالأصح ^^" "

حلو للي حابة ترفع رموشها شوية وتعطيها شكل،،

تستخدميه قبل ما تحطي المآسكارا ع رموشك لين تلفيها بالشكل اللي تحبيه ،،

نصيييحة من قلب مجرررب :$ لا تضغطي مرة بيه ع رموشك لأني عملتها قبل وشكلي صار مرة لا :$

من قوة ماضغط وشفت شكلها حمدت ربي ما طاحت! P:

وبث!

خلصنا!

طويلة شوية صح؟ أكتر من التدوينة الأولى ^^

ماني حابة أحط عدد معين للمنتجات اللي أعرضها في كل تدوينة، حابة أخلي الشي دا مفتوح ع حسب الأشياء اللي عندي وع حسب المشاركات اللي ممكن تجيني،،

إيش رايكم نخلي التدوينة الجاية عن الفاشن؟ ملابس الجامعة، إكسسوارات،، إلخ بلخ؟

^^

رأيكم يهمني حبيباتي!

أتمنى تكون التدوينة الثانية عجبتكم، وأكيد لاتنسوا تشاركوني في التدوينة الثالثة الشهر الجاي بإذن الله..

إلى ذلك الوقت،،

في أمان الكريم.

:)

Reni no Mise 1 "تجربتي لبعض منتجات العناية بالبشرة والشعر"

السلام عليكم ورحمة الله تعالى وبركاته
^^.
يا أهلا وسهلا ومرحباً بحبيباتي الجميلات!

منورين الحتة!
طبعاً اليوم أحس التدوينة دي ليها طعم تاني مرة!

اليوم وعلى بركة الله نبدأ أول تدوينة من تدوينات تاغ Reni no Mise -محل ريني- الخاص بالبنوتات فقط ^^
واللي رح أحدثه بإذن الله بشكل شهري!
اتكلمت عنو وعن الهدف منه هنــــــــــــــــآإأا ،،

زين ماهو باين التاغ اللي فاز معانا هوة  Reni no Mise بتسعة نقاط،
Reni's Shop حصل ع ٨ ، و Reni Mania ع ٥ ،،
شكراً لكل الحلوات القمرات العسلات اللي شاركوا في إختيار إسم التاغ ^^
إنتو أجمل كل أبو شي في الحياة !
يسعدكم ربي ^^

قبل ما أبدأ أول تدوينة في التاغ الجميل دا ،،
ترى أنا ماني من الناس المهتمممة تماماً بالأزياء أو المكياج أو أي حاجة تانية،، مجرد بنوتة عادية زيي زيكم
تبغا تفيدكم بالأشياء اللي استخدمتها ونفعتها
وترى ممكن اللي يفيدني ( من منتجات مكياج أو عناية بالبشرة ) ما يمشي مع بشرتك ^^ فحاولي يا سكرة تاخدي
اللي يناسبك لحتى تدعيلي وما تدعي علية خخخخ!
بس!
أتمنى التدوينات هادي تنفعكم وتكون حجة لية لا علي يوم لا ينفع مال ولابنون إلا من أتى الله بقلب سليم ^^

يلا نبدأ!!

أحب أستفتح التاغ دا بالمنتج الرهيب دا! ( كلهم رهيبين الصراحة بس هادا نقطة أرهب منهم ! )

غسول مقشر ومجدد للبشرة من نيوتروجينا
بصراحة أنا استخدمت كذا منتج من نيوتروجينا، بعضها نفع لكن الأغلبية كانت عادي،
بس دا من جد عمل نتيجة تبارك الرحمن! حتى أختي انتبهت إنو في فرق ( أختي من النوع اللي ماتهرج إلا لو كان شي واضح خخخ ) فعشان كدا صدقت!
المنتج تبدأ نتيجة تبدأ بعد أسبوع تقريباً لو داومتي عليه يومياًً مرة قبل ما تنامي،،

بالنسبة لية أحب أستخدم غسولات الوجه ( أو الأقنعة كمان ) قبل النوم، لأنو وقت النوم تحصل أشياء كتيرة في الجسم منها إن أغلب الخلايا التعبانة أو الميتة تتجدد فحلو إنها تتجدد ع بشرة نضيفة ومغسلة،،

لمن تجي تستخدمي الغسول دا يا جميلة، لا تنسي تحطيه ع بشرتك وهية مبلبلة، وتحاولي تفركيه وجهك بلطف بحركات دائرية، لو دقيقة ع أقل شي لحتى سشتغل مفعول الحبيبات اللي في الغسول وتبدأ تقشر الطبقة الميتة وتزيل الدهون الزايدة بإذن الله،،

أما بالنسبة للسعر، والله ناسية كم كان السعر بالضبط بس اللي أفتكره ومتأكدة منه بإذن الله إنو في حدود التلاتينات،
بصراااحة سعره مرررة رائع مقارنة بمفعوله،،

المنتج التاني برضو من نيوتروجينا،،
لوشن مزيل للمكياج ( مايحتاج تغسلي وجهك بعده )
بصراحة المنتج دا عجبني ومرة ريييييحني بعد الله بطريقة مي طبيعية!
خصوصاً إني اشتريته قبل العيد فنفعني أكتر ولله الحمد، أستخدمت قبل كدا مناديل نيوتروجينا لإزالة المكياج بس
ما ناسبتني وكانت تحرقني شوية لمن أستخدمها وما تزيل المكياج بسرعة،، بس هادا اللوشن مرة سريع مفعوله تبارك الرحمن،
تستخدمي قطنة صغيرة وتحطي شويييية منه وتمسحي وجهك، منها يزيل المكياج ويرطب بشرتك،،
سعره بـ ٣٢ ريال
أنصح بيه وبشدددة للي تحط مكياج كتير أو ماتحب تستخدم الصابون لإزالة مكياجها ( وللناس الكسولة زيي خخخ! )

المنتج التالت عبارة عن شاور جيل من نيفيا،
ريحتها مرة عالم تاني! والله عجبني فيها الحبيبات الصفراء الصغيرة ( يمكن ماتكون واضحة في الصورة )
حاطينها لحتى تساعد ع عملية تقشير/تجديد البشرة ( مع إني أحسها تدوب بسرعة )
مرة جميلة ورغوتها حلوة تبارك الله ^^

نجي للمنتج الرابع،،
مزيل اللمعان ( والرؤوس السوداء ) من جارنيير،
بصراحة أتعب لو أقول عنه رائع من هنا لبكرا!
هادا المنتج ينفع كل وحدة تعاني من البشرة الدهنية اللامعة خصوصاً وقت الدوام تحسيها تتعب بسرعة،
المنتج دا زي التونر خفيف وحلو تستخدمي قطنة طبية وتحطي شوية منه ع وجهك، ورح تلاقي لمعان الدهون خف مرة!
يستمر مفعوله لمدة ٤ ساعات، ممكن تستخدميه يومياً لو حابة
أنا عن نفسي أحب أحطه بعد ما أغسل وجهي بالغسول لحتى يدعم شغله وقبل المكياج لحتى ماتخرب الدهون شغلي،
بس المشكلة لمن أحطه وأنا رايحة للجامعة كلها نص ساعة وألاقي مفعوله اختفى تقريباً في أجواءنا الشبه صيفية الجميلة
( ع الرغم من إنو الخريف دخل،، الله يرحمنا برحمته بس! )
مرة ممتاز وأنصح به من كل قلبي

المنتج الخامس عبارة عن زيت للعناية وتغذية الشعر
( باراشوت سكريتس )
مرة حلو للي محتاجة تغذي شعرها أو تعاني من مشكلة تساقط الشعر، ترى مهم مرة تعتني بتغذية شعرك لو كان يتساقط عشان كدا اخترت المنتج دا،
تحطيه قبل الدش ع الأقل بنص ساعة ( من التعليمات المكتوبة ورا القارورة ) لحتى يقدر شعرك يمتص المواد المفيدة الموجودة في الزيت،،
تحطيه مرة وحدة في الأسبوع أو مرتين في الشهر زي ماتحبي ^^ أنا عن نفسي أفضل مرة كل أسبوع
سعره ١٠ ريال و٩٥ هللة!

المنتج السادس والأخير يعتبر صديق المنتج الخامس الصدوق اللي ماينفع يفترقوا عن بعض!
كريم باراشوت جولدن للشعر ( أنا أحب أختار -تغذية الشعر العادي- بدل ما أخربط نفسي بالأنواع التانية،، )
مررة استخدامه جميييل بطريقة منعشة!
لأنو بعد ما تستخدمي الزيت الجميل تحطي الكريم دا ع شعرك وهو مبلبل ( ضروري يكون مبلبل! )
لأنو سبحان الله بعد الدش ( أو لمن يكون شعرك بلبل ) يكون ضعيف وعندو قابلية يتقبل أي شي يجيه، فلمن تحطي الكريم
وهو مبلبل بإذن الله تضمني إن امتص كل المواد المفيدة، وعشان كدا كمان ضروري جدا ما تستخدمي السشوار لتجفيف شعرك وتخليه ينشف براحته ع هوا الغرفة العادي،،
بالنسبة للكريم أنا أحب أستخدمه بعد كل دش ^^ ريحته منعشة وتحسسك بالنظااافة :)
بالنسبة لسعره فآخر علبة ( كبيرة ) أشتريتها كانو عاملين عليها زيادة إضافية بـ ٩ ريال بس **
في أجمل؟؟



وبس!
طولت عليكم؟ ترى هادي أول تدوينة فممكن يكون فيها أخطاء وما إلى ذلك!
بصراااحة مررة استمتعت وأنا أكتب ^^ أحس كأني كنت قاعدة أعمل شوبنج مع شلة بنات * فلاي أواي! *
بس من جد أتمنى من كل قلبي تكونو استمتعتوا معايا في أول تدوينة حبيباتي،
وأحب أعلن شي مهم قبل ما أنهيها:
اللي عندها أي منتج، أي معلومة، أي حاجة استخدمتها ونفعتها حتى لو ماكانت مكياج أو منتجات عناية بالبشرة والشعر،
وحابة تشاركنا بيها، ترسلي هية ع وحدة من حساباتي ع النت  هنــــاآإأ ، أو تحطلي هية في الردود هنا تحت، وبإذن الله أضيف مشاركتها في التدوينة القادمة في الشهر الجاي على خير،،

أكييييد آرائكم وإقتراحاتكم تهمني!
وترقبوا التدوينة الجاية ( حيكون فيها أشياء كتير عن المكياج بإذن الله ^^ )

أنتبهوا ع نفسكم!

في أمان الكريم.