^^ باك بفيديو جديد ولله الحمد ،، !طريقة عمل خبز السكونز بالبصل الأخضر والجبنة ،
مرة وجبة خفيفة تقدروا تعملوها أي وقت وما تحتاج شغل كتير ،، :)
تم إنتاج الفيديو بالتعاون مع جناح أبيض :) للمزيد من الوصفات الشهية اللي مدري إيش تبغا من الحياة xD أتفضلوا بزيارة حسابها ع الإنستقرام@whitewing15
لو عجبك الفيديو لاتنسي تعملي لايك وشير وسبسكرايب للمزيد،، مارح تتعبك وحتحمسني بعد الله في إني أعمل فيديوهات أكتر من هادا النوع في المستقبل إن شاء الله :)
إلى تدوينة جديدة قادمة بإذن الله،،
في أمان الكريم ،، ~
السلام عليكم ورحمة الله وبركاته !
^^
كيف حالكم يا جميلات؟
إن شاء كله تمام معاكم !
تدوينة اليوم مختلفة شوية من ناحية أسلوب العرض ^^ لأني عاملتها ع شكل فيديو بدل الصور ،،
حسيته أسهل كتير لأني أصور كل شي مرة وحدة بدل ما أقعد أصور كل منتج لوحده وأعدل ع الصور وشغللله ،،
الشي الوحيد اللي يتعبني شوية في الفيديو التأثيرات والأصوات وشغل البحث عن مقطع أنشودة أو مؤثرات مناسب ^^"
الله يعين ويسهّل !
طبعاً عملت قناة في اليوتيوب ولله الحمد عشان أرفع عليها فيديوهات ريني نو ميسي وأي شي تاني يخبط في راسي أعمل فيديو عنه ^^
الموهييم يا حلوات ،،
في التدوينة دي من ريني نو ميسي حابة أشارككم مشترياتي من صيدلية النهدي ..
المنتجات اللي أشتريتها هي تقريباً منتجات ما أستغني عنها ،،
ممكن كل مرة أحاول أغير النوع/الشركة بس الغرض من المنتج يفضل واحد ،،
مثلا المرة دي أشتريت غسول نيوتروجينا المرة الجاية أشتري غسول بس من كلير آند كلير ،، "مثلاً " ،،
فعملتها في مقطع فيديو وحطيت رأيي بخصوصها بشكل بسيط مرة ^^ لأن الفيديو مجرد استعراض مشتريات مهمة لا أكثر ولا أقل ،،
بالنسبة للأسعار -بالترتيب الموجود في الفيديو- :
غسول نيوتروجينا المقشر بالجريب فروت الوردي: ٤٠ ريال
كريم الجليسوليد: ٧ ريال
سكروب الجسم من Kustie: ١٧ ريال
ملمّع الشفايف من لابيللو: ١١ ريال
معجون أسنان ألودنت: ١٨ ريال
المناديل المعطّرة المضادة للبكتيريا: ١٤ ريال
شاور جِل "ليل" من عبد الصمد القرشي: ١٩ ريال
طبعاً معروف إنو ممكن تلاقي فرق بسيط في الأسعار لو اشتريتها من مكان تاني غير الصيدلية ،
-ممكن تكون أرخص شوية-
....
الفيديوووو ^0^
أتمنى تدعموا قناتي الصغنطوطة باللايك والشير والسبسكرايب،،
ترى الشي دا يدعمني ويحمسني بعد الله تعالى إن أعمل فيديوهات أكتر من النوع دا ،،
أي استفسار أو سؤال أتفضلي ع صفحتي في الآسك هنــــا
قامت لجنة التضامن مع الشعب السوري في مدينةسابورو
اليابانية بمظاهرة دعما للثورة السورية مساء يوم الجمعة 17 فبراير\شباط
2012 بوسط المدينة بعنوان “أوقفوا مجازر نظام الأسد بحق المدنيين في
سوريا”. وقد شارك في المظاهرة أبناء الجالية العربية والإسلامية بالإضافة
إلى عدد من النشطاء السياسيين في المدينة.
موضوع جديد وفكرة مهمة خطرت على بالي من فترة وحبيت أنفذها دحين..
وهية " التبادل الإعـــلاآني".. سواءً مع المدونات التانية أو المنتديات..
مع مدونتي..
الفكرة وما فيها إني رح أعرض إعلان لأي مدونة أو منتدى مقابل عرضه لإعلان رابط مدونتي عندي في منتداه أو موقعه..
و طبعاً هالشي مقيد بشرووط.. أتمنى إنكم تلتزموا بيها..~
1- للتواصل أول طلب أي تبادل إعلاني يكون عن طريق هادا الموضوع..
2- يكون حجم البنر بحجم البنرات اللي أنا عاملتها في هادا الموضوع أو أصغر منها ما عندي مانع.. بس ما تكون كبيرة مرة لحتى يسهل رفعها.. وأتمنى يبلغني كل من يرغب في التبادل الإعلاني بالحجم المطلوب لبنر مدونتي على حسب ما يناسبه..
3- أن تكون النبرااات خآآآليـــآآ " ركزوا على كلمة خآآآلية " تمآمآ من أي صورة نسائية أو رجالية أو أنمي أو أي ذوات أرواح..
ولا كلمات معيبة أو بكلمات أجنبية غير مفهومة..
كل ما كان البنر بسيط وحلو وخالي من أشياء تغضب الله سبحانه وتعالى كل ما كان أفضل وأنفع لصاحب البنر والناشر في الدنيا والآخرة.. ولا لا..؟ ^^
4- مدة التبادل الإعلاني عادي أحددها أنا أو صاحب الإعلان " قابلة للتفاوض "..
5- طبعا الإعلان في المدونة مجاني بما إنو قائم على أساس " التبادل "
وللمعلومية: أنا لا أقوم بالتبادل الإعلاني سوى مع المدونات أو المواقع التي أجدها تستحق وتخلو خلوواً تاما من أي شيء يغضب الخآلق عز وجل..
" ما أبغا أكون سبب في نشر السوء مافية أكسب ذنوب تكفيني ذنوبي الله يغفرلنا بس.. "
فلا تكونوا سبب في نشر الذنب بدل ما تنشروا شي يفيدكم في دنياكم وأخرآكم ويكون لكم صدقة جارية.. صحيح مينا..؟ ^^
6- أتمنى إنو كل صاحب إعلان يلتزم بمدة التبادل المحددة وما يخرج عنها.. لأن هادي أمانة.. يعني مو عشان المسألة مجانية نلعب ونقول " أبو بلاش كتر منو" ..
في النهاية أتمنى إن الفكرة نالت إعجابكم..
وأنا بإذن الله رح أرحب بكل سعة صدر بأي بنر إعلاني ويشرفني إني أعرض بنراتكم في مدونتي..