おりがみ الدرس " الأول "..~

سلاام مينآ..^^
وأخيــــرآ الدرس الأول.. متحمسين ولا..؟ إن شاء الله بس تعجبكم الدورة وتستفيدوا منها..
طبعا أول درس حاولت قدر الإمكان يكون سهل وبسيط لحتى تقدروا تتفاعلوا معاه مزبوط..
وطبعآ شي أكيـــد أتمنى ما تحرموني أشوف تطبيقاتكم الحلوة..^^ ني..؟

الدرس الأول رح يكون عن " طريقة عمل زهرة الساكورا " وطبعا الهدف من تعلم طريقة عملها هوة صناعة تحفة على شكل شجرة الساكورا " راجعوا موضوع المقدمة آخر صورة "..~

وطبعا خطوات الدرس رح تكون مقسمة بالصور لحتى تقدروا تنفذوها.. وأتمنى الصور تكون واضحة ومشارحة طريقة التنفيذ مزبوط..
نبدأ بســــم اللـــه..~

---------------

1- طبعا تبدؤوا بورقة مربعة صغيرة..




2- أطووا الورقة من النص..

3- زي كدا رح تسير معاكم..

4- وبعدين أرجعوا أطووها تاني بحيث يصير عندكم مثلث صغير..

5- تمسكوا كل جانب من المثلث..

6- وتطووا طرفه على جوه..

7- لازم يكون شكلها زي كدا..

8- دحين خدوا طرف من أطراف المربع وطلعوا على برة..

9- كملوا إخراج الطرف ألين يسير الشكل معاكم كدا..

10- بعد ما تخرجوا الطرف بطريقة صحيحة.. تطووا أطراف زي الصورة..

11- بعد ما تخلصوا طوي الأطراف رح يكون الشكل معاكم زي كدا..

12- وديحن كرروا نفس الحركة ع الطرف التاني (( تخرجوا الطرف ع برة وبعدين تطووا أطرافه ))..

13- لازم يكون شكله كدا..

14- تاخد الأطراف المتينة وتطويها ع ورا..

15- يكون عندكم الشكل كدا..

16- وتطوا بالطريقة دي..



17- بهدووء أطووا الورق وحاول تنتقلوا بسلاسة بين الخطوط..


18- لازم يطلع الشكل كدا..


19- أطووا الطرف الأخير زي الصورة (( وكرووا خطوة 16 و 19 في الـ3 بتلات اللي فضلت عندكم ))..


20- زلام يكون شكلها كدا بعد ما تخلصوا الأربعة بتلات كلهم..


21- طلعوا طرف على برة بطريقة متوازنة..



22- وأعملوا كدا كمان في الطرف التاني وكرروا الخطوة ي في الجانب التاني كمان..


23- لازم يكون شكلها كدا بعد ما تخلصوا الأربعة بتلات كلهم..


24- أمسكوا الوردة وبهدووووء أبعدوا البتلات عن بعض..


25- لازم يكون شكلها كدا بعد ما تخرجوا الأربعة بتلات كلهم..


26- تقربوها شوية على قدام..


27- وتضغطوا عليها شوية من تحت..


28- جيبوا ورقة بلون مخالف وأقسموها من النص لحتى نكون بيها وسط الساكورا..


29- لفوها بالطريقة دي..


30- بعد ما تلفوها وتزبطوا شكلها دخلوها بهدووء في وسط الزهرة ويمكن تحتاجوا شوية صمغ بس لحتى تثبوتوا الوسط دا..


--------------------------------
وبكدا نكون خلصنا الدرس الأول.. حووسة شوية بس معليش لا تنسوا إنو لسة أول درس وأياديكم ما أخدت ع اللف والدوران..^^
بإذن الله الدرس الجاي كمان يكون أحلى.. وزي ما قلت..
أي سؤال أو استفسار بخصوص الدرس دا يكون هنا في نفس موضوعه.. + يكون شي رائع جدا لو قدر أشوف تطبيقاتكم..
^^

....
جآني مينآ..
في آمآن الكريم..~

مقدمة " فن الأوريجآمي " おりがみ + بعض التوضيحآت بخصوص الدورة..~

おりがみ
كلمة أوريجآمي كلمة مكونة من مقطعين ( أوري ) وتعطي " طي " ( جامي ) وتعني " ورق "
أي : أوريجامي = فن طي الورق..

------------------------------------------


ماهو الأوريجـامي ؟
هو فن ياباني قديم ظهر في عصر “ايدو” (1603 – 1867) يعتمد و بشكل اساسي على استخدام ورقة مربعة واحدة دون قصها او الصاقها و طييها بطرق هندسية معينة لتعطينا اشكال جمالية فنية رائعة.
وهو فن مستمر إلا الأن في المدارس اليابانيه وقد إنتشر في جميع بلدان العالم .


------------------------------------------

الأدوات المطلوبة :
كل ما تحتاج اليه هو ورقة مربعة واحدة!


الأشكال :
غير محدودة !! يمكنك عمل أي شكل تريده باستخدام ورقة مربعة واحد والقليل من الذكاء والكثير من الخيال.


بعض الصور لعينات صنعت بواسطة فن الأوريجامي:

----------------------------------------------------

كما أن فن الأوريجامي يعمل على تنشيط المخ..!!
الأستاذ كاواشيما متخصص في علم المخ ويجري أبحاثا ً في معهد النمو والشيخوخة والسرطان بجامعة توهوكو ، وقد أثبت أن ممارسة الأوريجامي يزيد من تدفق الدم نحو المنطقة الأساسية في المخ مما يساعد على تحسين أدائه . وهذا هو ماجعل كثيرا ً من نوادي المسنين يمارسون الأوريجامي ، وأحد هذه الأندية يعقد مرة واحدة كل أسبوع ، وشعار أعضائه الذي يتراوح عمرهم بين الستينات والثمانينات هو ..
” متعة الأوريجامي ثلاث مرات في حياتك ” والمعنى هو أن الأطفال يمارسون الأوريجامي في سن صغيرة وعندما يصبحون أباء يعلمونه لأطفالهم ولما يكبر بهم السن يعودون لممارسته مرة أخرى.
المصدر : مجلة نيبونيا ، العدد 41 ، التاريخ 15 يونيو 2007 ، الصفحة 15
وبإذن الله نقدر نقوي عقولنا ونستمتع بعض ونفيد ونستفيد من خلال الدورة دي ^^

---------------------------------------

بخصوص الدورة..
طبعاً هناك شروط مهمة متعلقة بالدورة وهي:
1- أبري ذمتي من أي شخص يستخدم شي تعلمه في هذه الدورة في أي شي لا يرضي الله سبحانه وتعالى.. هذه الدورة وضعت لاستثمار الوقت وتربيه الذهن بتنشيطه وتشغيله.. لا لكسب الذنوب من تحت راس بعض الناس..
ألا هل بلغت اللهم فاشهد.. ألا هل بلغت اللهم فاشهد.. ألا هل بلغت اللهم فاشهد..

2- لا أبيح نقل أي شي أو أي معلومة من الدورة إلا بذكر المصدر " بوضع رابط المدونة أو رابط هذا الموضوع " لأن الدورة بكل المعلومات اللي فيها من تجميعي وتعبي الشخصي.. فأتمنى الكل يحترم هالشي وما ينقل بدون ما يذكر المصدر..

3- أتمنى اللي استفاد أو نقل أو عمل أي شي بمحتوى الدورة يرد أو يكتب تعليق بخصوصها.. مو حرام ولا عيب ولا حياخد من وقته شي.. ^^ وطبعا تعليقاتكم وردودكم دليل على اهتمامكم.. ^^ وتكون محفز لية إني أستمر في المزيد..
أما اللي ياكلوا وما يقولوا شكرا هدولا ناس.. يالطيف بس..!!

للمعلومية فقط.. للي يحب متابعة الدورة وماقدر يدخل في يوم وفاته الدرس.. ممكن تتابعوا دروس الدورة عن طريقة روابط الدروس اللي أضفتها في المدونة.. يسير بإذن الله تكون كل الدروس مرتبة بطريقة تقدروا من خلالها متابعة الدورة بكل سهولة..

أي سؤال أو أي استفسار بخصوص الدورة أتمنى يكون في الموضوع دا.. وأنا فاتحة التعليق للكل لحتى يقدر أي شخص يسأل ويستفسر..
وطبعا كل درس حيكون في موضوع لوحده وأسئلتكم واستفساراتكم بخصوص الدروس تكون في نفس مواضيعها من فضلكم..
و يوروشيكو أونيغاي شيماس مينا سان..
^^
في آمآن الكريم..~

--------------------------------------