سلاآم مينآ.. =].. نسيتوني..؟!! ^^"..~

السلاآآآآآآم عليكم ورحمة الله وبركاته
مينآ سآن॥
^^
كيف الحآل والأحوآل جميعآ إن شاء الله تكونوا بخير
الحمد لله دحين ما فضلي غير اختبار واحد بس " إنجلش " إن شاء الله يعدي على خير॥
أممم
أقولكم شي وتصدقوني॥ ^^"
مآني متحمسة للإجازة أبدآ॥ ما أدري ليه ههي॥!!

يمكن بسبب خربطة الإختبارات ودا كلو॥
.....

في شي قبل يومين قاعد يطبخ ويغلي ويكشن في دماغي॥
شي عن سيستم الجاااااامعة الغبي دا॥!! اللي يخلوا يصحح لنا درجاتنا ويطلع نسبنا وهوة في الأساااااس خرباااان لا حول له ولا قوة॥!!
والمصيبة لو فتحنا فمنا يقولوا شغال ومدري إيه ويطلعوا بريء॥!!

أكبر دليل ضدهم إن السيستم خربان كان يوم الربوع الأسبوع اللي فات॥
كان عندي اختبار حآسب فآينال॥ " في الجامعة نختبر أون لاين ع النت "
فطبعا السيستم هوة اللي نحل عليه الأسئلة ونعمل عليه الشغل كله॥ أتخيييييلوو أتخيييييلوووو
السيستم كان سبب في رسوب كذا طالبة ومازال॥!!
يعني تخيلوا معايا كدا تجي بنت مزاااكرة ما شاء الله و واثقة من نفسها وتحل وفجأة في نص الحل يقفل عليها السيستم ويعلق ولمن يفتح تكتشف إنو عملها إرسال اللإختبار خلاص॥ وتكوون هية ما حلت إلا كم سؤال॥؟
أولا أولا الحمد لله ع سلامة قلوب البنات ما انجلطت من الفجعة ولا سار فيها شي
ثااااينا: المصيبة إنو خلاص محد يقدر يعملها شي॥ ولا يعيدو لها اختبار ولا حاجة وتقعد البنت ياعيني ترم زيادة ترفع مادة الحاسب عشان خاطر السيستم الأهبل اللي ما حليلوا يمرض إلا ع أسئلتها॥
هوة صحيح قدر الله وماشاء فعل بس أحس السيستم دا مرررررة "*&$%#@^!&!" <~ خوفا ع ضعاف القلوب ^^"

.....
خخخخخ ما انتبهتوا لشي॥؟
جيت أبغا أحكيكم عن اللي سرلي الربوع اللي فات وما كملت॥ ^^
نرجع ولوووو كم مينآ سآن عندي خخخ <~ أدري نفسكم تشوتوني...^^
لمن جيت أختبر والحمد لله بدأت اختباري على خير॥ وقف السيستم علية أنا والكلاس كلووو...
كنت وقتها دوبي بادئة وفاضلي من الوقت تقريبا أكتر من أربعين دقيقة يعني مرة يكفيني " الوقت دا بالنسبة لمدة الإختبارات في جامعتنا مرة كتير ترا :"( "
والمس جالسة تقول ساوو رفرش وتحديث للصفحة واستنوا وأنا خلاص قلبي ع أحر ما عندو
وبس فتح السيستم॥
(( لاآآآآآآآآآآآآآآآآآآآآآآآآآآآآآآآآآآآ ))
تخيلوا إيش سار॥
أعطيكم مقدمات... لا الحمد ما أرسل الإختبار أشوا ولا كان مدري إيش صار فية ^^...
دحين أنا كنت واصلة بأحل السؤال الخمسطعش <~ ركزوا ع الرقم بس॥ ^^ لمن وقف السيستم॥
وكان تقريبا عندي قريب أكتر من أربعين دقيقة زي ما قلت॥
لمن فتح السيستم مرة تانية ॥ كان عندي فقط عشرين دقيقة بالززززززبط لحتى أحل فيها الستة وعشرين سؤال الباقية...
خلاااااص سرت حاسة نفسي حأبكي
عبووورة الله يسعدها قالتلي (( يمديكي تحليهاا ))
وفعلا الله يخليها لبي ألبها قعدت ع الأسئلة والحمد لله خلصت قبل الوقت بكم دقيقة॥

..........

وفي النهاية يبغونا نطمن ع درجاتنا॥ والله حرااااااااااااااااام ما يسير الظلم دا॥
الموقف حقي دا شي بسيط من اللي بيسير للبنات والله الحمد لله أنا يعتبر ولا شي مقارنة بيهم॥
يعني أتخيلوا كدا لا قدر الله أترسل اختباري॥ يعني خلاص يرسبوني॥!!
ويا حراام اللي تطلعلها مواد ما تدرسها وتدرسها وتختبر فيها وتكتشف إنها المفروض تردس مادة تانية بدالها وتختبرها॥
والله غللللب وبهدلة... بدل ما يغيروه ولا يحطوا ع الأقل سيرفر أكبر للسيستم ويكبروا أو يشوفوا له أي صرفة يشتغل عدل بيها لكن مو كدا
:"(॥

.....
مينآ هونتوني جومي ني صجيتكم بالسيستم العبيط دا
بس لعل وعسا ألاقي منكم دعوة بظهر الغيب تنجحنا وتكفينا الشر ^^॥

...
أريجآتو مينآ ع قرآئتكم ^^
الله لا يحرمني منكم آمين॥
سي يو في تحديث قريب بإذن الله॥
جآني॥
في آمآن الكريم...~