إحباطات وأسئلة ومشاجرات نفسية..!! الفاضي بس يدخل..^^..~

سلاآم مينآ سآن..
^^
أوجينكي ديس كـــآ..؟ الحمد لله أنا جنكي وعآيشة بصحة وسلاــآآمة..^^
كيف الإج ـــآزة معاكم..؟ لسة دوبها بادئة صح..؟ <~ كل ما أفتكر إنو لسة فاضل تلاتة شهور من جد أشيل همها..
هوة صح ما صدقنا نفتك من الدوام والمزاكرة والاختبارات اللي تجيب البلا..!!
بس أحس نفسي أعمل شي جديد في الإجازة..
خخخ اللي يضحك إنو أيام الإختبارات النفس تنفتح ع كل شي..!! حتى التنضيف..!!
اللعب مع أخوانك..!! الأكل.. الرسم كل كل شي ..
بس لمن جات الإجازة والحمد لله.. ماليــــة نفس أعمل ولا شي من اللي فوق..!!
ههي..!! حتى نفسي أرسم مرة بس ما فحالي أغلط وأقعد أمسح <~ قمة السلتحة..!!
^^
فعشان كدة ولحووبي الشديد لكوكب الأرض وسكانه وخوفا عليه من التلبكات المعوية وانفصام الشخصية..!!
قررررررت قرار خطير..
إني... إني.. لا لا أنكسف أقولها ما أقدر أحس إنو صعبة.. يعني.. أممم
أنا نفسي أعمل دورة في مدونتي.. <~ إنجـــآآآز تاتتتآآتآآآآتتتتـــــآآآآآآآآ <~ مؤثرات صوتية.. =]
طبعا ما أكيد ما غاب عنكم الاستفتاء الجديد اللي في المدونة واللي يو مين قاعد زي قلته ..!!
مدري مين حزن عليه وحط تصويت.. *_*"..!!
المهم.. أنا في بالي أعمل وحدة من دي الدورات على حسب ما يطلع التصويت.. أعلى تصويت حأعملها بإذن الله لحتى أفيد وأستفيد وما تروح الإجازة بدون شي نافع ولا..؟
وإذا ما لقيت تفاعل ما حأعمل ولا شي.. سأصااااب بالإحبــآآآط >~<"..
........................................

في حااااجة تقهرني أكتر شي في المجرة..!!
ليييييه ليــــــه ليييييييييه ليـــــه
لمن تدخل منتدى أو مدونة أو مكان على سطح النت..
تلاقي أكتر المشاركات والتعليقات ع الأشياء التافه اللي ما تستاهل..؟ والله العظيم..
أنا أقولكم شي مثلا ومن تجربتي الشخصية..
كنت عضوة في واحد من المنتديات وفيلو "أكيد" أقسام متعددة.. دينية رياضية وقسم للقلم الخاص بالأعضاء..إلخ لخ..!!
هية كلها حلوة وما أنكر أبدا المواضيع القيمة في كم قسم لكن اللي يقهر ويخلي البركان ينفجر في مخك <~ مدري كيف..!!
إنو تنزل تحت.. تلاقي قريب مية عضو متصل..
تطلع فوق تشوف الأقسام.. كللللها نايمة مافيها ولا قسم صاحي..
تدخل قسم " الترفيه أو الألعاب".. تلاقي المشاركات للصبح..!!
يعني بالله يالله.. هوة دا اهتمام النــــاس..؟!!
ع العين وع الراس تقولولي طفشانين ونبغا نرفه عن نفسنا.. ما أقولك لا.. مو حرام حتى النبي صلى الله عليه وسلم قال بما معنى الحديث: (( ساعة فساعة ))
بس مو أربعة وعشرين ساعة المشاركات في الأماكن دي ما توقف..!!
وياريت حتى ع شي عدل..!! (( عد لعشرة وأضرب العضو اللي بعدك بالقبقاب..!! عد لعشرة وأشتري دوريتوس..!! أسأل اللي بعدك سؤال محرج مرررة..!! )) <~ خييير خييييييير..!!
عمرنا راح وإحنا نعد..!! ياريت نفلح في العد في اختبار الرياضيات..!!
ولا نسأل الناس أسأل مدري من أية كوكب..!!
والله ما يسير كدة يا عالم..؟ والمواضيع اللي تستاهل وتكون قيمة تلاقي عدد الزيارات عندها.. قليييل مرررة..
يعني يستثنى من اللي فوق كله " إلا من رحم ربي "..!!
وأغلب المشاركات تكون في الأماكن دي.. عشان في أعضاء يالطيف يالطيف ياربي في مخهم اعتقاد يموووت ضحك..!!
إنو لو كترت مشاركاتهم حيسيروا مشرفين ولا إدارة..!! هاااعهووووع..!!
فتلاقيهم طول الوقت هناك..!!
في منتديات اللي يعطيهم العافية خلت الأقسام الترفيهية ما تنحسب فيها المشاركات..
وبعد هذا الإجراء.. المشااركات قلت أكثر من أول..
بس ما نقدر إحنا نتحكم في نفسنا وفي مشاركاتنا ونخليها أكثر رقي..!! يعني لازم نستنا الإدارة ألين تقفل حساب المشاركات في الأقسام دي..؟ والله ما يسير كدا <~ TT..

...........................
آآآه أحس إني طووولت مررة وفضفضت بما فيه الكفاية..
بس إن شاء الله أكون أفدت بكلامي وأتمنى كلامي ما يتاخد بحساسية.. وإذا غلطت في أي كلمة فوق فأنا آسفة مقدما وما أقصد أزعل أحد..~
...............

أريجآتو ع القراءة مينا سآن..
^^
جآني.. إلى تحديث قريب بإذن الله..
في آمآن الكريم..~