" وآجبـ تدوينــي " إعتــــرآفـــآتــ..~ 3=

السلاآم عليكم ورحمة الله تعالى وبركاته..
^^


أهلاً مينا-سان.. أخباركم أحوالكم..؟
كل عام وإنتم بألف صحة وعافية بمناسبة حلول عيد الأضحى المبارك..
أعاده الله علينا وعليكم بكل خير ياارب.. ^^


تدوينة الواجب هادي جاتني عن طريق حبووووبة ألبي

ℓσłliρσρ g!rℓ

وتراها مهددتني لو ماحليته ما أدري إيش ممكن تعملي ^^"

فعشان كدا أنا قررت أكون طالبة مؤدبة وأحله..

أمممم.. بصراحة ماني عارفة إيش أكتب بالتحديد.. فرح أكون عفوية وأكتب أي شي يخطر على بالي..

1- أعترف إني إنسانة أنانية جداً جداً بطريقة جنوونية لمن يتعلق الموضوع بشي أحبه أو إنسان غالي علية..

2- غيوووورة بدرجة جنوونية أيضاً.. أحياناً أحس إني عادي وأحياناً أغار ع أشياء تافهة وهبلة ^^" يعني باختصار " غيوورة ع حسب مزاجي "

3- إنساانة مزااجية جددددداً.. يعني كل أفعالي تعتمد على مزاجي.." سعيدة, حزنانة, شايلة هم شي, متفائلة.... إلخ "

4- كل ما حسيت بطاقة مكبوتة جوتي " سواءً معصبة أو حزينة أو خايفة من أي شي" أمسك ورقة وقلم وأقعد أكتب ولا تكتب..!! أي شي ممكن أرسمه أو أكتبه وقتها..

5- ماااا أحب أعترف بشي أو أقر بيه إن ما كنت مقتنعة بيه من البداية.. يعني مثلا لو أحد طلب مني أعتذر وأنا ماني مقتنعة إني عملت شي غلط مستحيييل أعتذر.. ممكن ألطف الجو وأتصرف وكأن شيئاً لم يكن وأحاول ترجع علاقتي حلوة مع الناس اللي حولية لكن مستحيل أعتذر أو أقر بشي إذا ماني مقتنعة..

6- أكرررره أحس إني تقيلة على أحد من كل قلبي..!!

يعني مثلاً ما أحب أحس إني شغلت أحد عن شغله.. أو إني مضايقته في جلستي معاه.. لا لا أكتر شعووور أكره في الدنيا..!!

7- لا أحد يلعب معايا في:

* الدين والأحكام الشرعية <~ شي أكيييييد طبعاً للكل.. صح..؟

* الأكل <~ لمن أكون جيعانة وما ألاقي أكل أتحول إلى وحش..!! ^^ خخخ..!!

* النوم <~ لاااازم المكان اللي أنام فيه يكون مرتب..!! جناني لمن نساافر وأنام في السيارة أصحى أحس أعصابي في خشمي..!!

* الحمام <~ " الله يكرمكم " .. كلووو ولا الحمام.. لو كان وصخ.. ولا فيلو شي خرباان.. خلاص أنا أعصاابي راااحت..

8- النت عااااالم ما أقدر أعيش من دونه..!! مدونتي.. ومواقعي اللي أحب أتصفحها.. ما أقدر أستغنى عنهم أبداً الله لايحرمني منهم يااارب آمين ^^..~

9- إنسانة ما أحب أتعب نفسي..!!

أعطيكم مثال: مثلاً عندنا إختبار بكرا في الجامعة وعليه درجات كتييرة.. وأنا طفشاااانة من شي إسمه دراسة مافية أزاكر.. مارح أمسك ولا شي لين أٍلي نفسي وتنفتح للمزاكرة..!! لحتى أقدر أزاكر بمزااج..~

و أول ما أحس بشوية نووم خلاص أقفل ما علية وأنام لحتى يرتاح عقلي وأقدر أكمل مزاكرة وأحل كويس في الإختبار.. ولا..؟ ^^

10- داايماً أسرح وأقعد أطلع أفكار جديدة لقصصي.. والمشكلة إني أجيب أحداث وأرتبها وفي النهاية " طار في الهوا شاشي وإنتا ما تدراشي يا قدع..!! "

11- أيادية تكسرت وأنا لسة حاسة في كلام كتير ودي أكتبه ^^ <~ خبلة..!!

12- إنسااانة حمااسية مرة ومندفعة لدرجة ممكن أكون متهورة في بعض الأحيان..

لكن في النهاية الحمد لله أجيب نتايج طيبة.. وبعض الأحيان لا بسبب إني أكون في منتصف حماسي كسلت ووقفت خخخخ * تشيييز*..!!

13- أكررررررره شي إسمه تشاااؤم..!! وأكره الناس اللي كل ما شافوكي يحبطوا فيكي ويحسسوكي إنو الدنيا مقفلة في وجهك..!! يا عالم فين إيمانك برب العالمين..؟!!

14- أحب أرسم مرة ^^.. بس كل ما مسكت الكراسة والمرسام وجلست أرسم.. أغلط وأمسح أغلط وأمسح.. أرمي الكراسة والمرسام وأحلف ماني رااسمة <~ يعني إني معصبة..!!

15- أحس إني ممكن أحمس نفسي بمشاريع كتيير وأفكار كتير أعملها في الإجازة.. ويا ناااسو علية تجي الإجازة وتخلص وأنا ماسويت ولا شي..!!

×]

وبث..!!

أعتقد كفاية ألين هنا للواجب وآوآ-تشآن سينسي صح..؟ ^^

رح أمرر الوآجب إن شاء الله لـحبــآآآآآآيب قلبي:

NoOoN  و WawaBluE

  وأشووفكم ع كل خير جميعاً..

^^

إلى تدوينة قريبة بإذن الله..~

في آمآن الكريم..~