صاديقاتي الصادوقا رو-تشان وإبداعاتها الكتابية..خخخخ..!!

سلاآآم مينآ سآن..
كونيتشوآ.. سآكورآ رينيمو ديس.. ^^

آآه.. من فين أبدأ..
اليوم أنا حاسى إني شايلة شر الدنيا كللله في مخي.. تدروا ليــــــــــــ ـــــه..؟!! <~ كملوا قراية وحتعرفوا.. آآآي بطني والله بأكتب وأنا بأموت ضحك مو جوتي..!! القصة ومافيها إن يوميتي اليوم مليانة قصص..!! بس مو أي قصص.. قصص من نوع فريــــد من نوعه..<~ !! دحين في الجآمعة.. عندنا تسليم آسآيمنت يوم الربوع الجاي بإذن الله.. والآسآيمنت دا يتضمن سؤال يطلب مننا إننا نكتب قصة لا تقل عن خمسين حرف..!! ااااالمووهيــــم.. فـ (( رو-تشآن )) صاديقاتي الصادوووقـــــة <~ ركزوا على صاادووقة خخخ..!! كتبت قصة (( لاآ تعلــيـــــق ))..!! كتبتها بالعربي وتبغانا نترجمها إنجلش..!! تخيلوا..!! يعني كدا بالصريح : (( مشي حآلك, شي يفقع البطن, أسلوب روضة,..... إلخ )) <~ واختاروا اللي يعجبكم.. فأنا جات على راسي فكرة إنما إيه.. قلت في نفسي وتحدثت إليها حديث المتحكم والمسيطر..!! (( ليـــه ما أنشرهأ عالنت..!! في مدونتي مثلاً ههي..=] )) وطبعا يعني طبعاً لأنو ما يهون علية إنو تقعد الحسرة في نفسكم وما تشوفوا إبداعاتها الخرآفية.. خخخخخ جبتلكم القصة الأسطورية لحدكم لحتى تقروها وتحكموا عليها.. ( تعليق من روزي-تشان <~ أخت رو-تشآن ): حطوآ في بالكم إن هالقصة المطلوب إنها تترجم لإنجلش.. ^^

أتفضلوا: (( تعليقاتي بالأحمر.. أما القصة بالأزرق عادي.. ))
بســــم اللـهـ نبدأ..:
(( كان يا مكان في مكان ما من هذا العالم ))
ترى هادي نفسها (( كان يا مكان في قديم الزمان )) بس مطورة حقت ألفين وعشرة.. ككككك...!!

(( كان هناك فتى قد بدأت إجازته الصيفية ))
من جد..؟ =)
(( فذهب إلى اسكوتلاندا لقضاء إجازته هناك ))
حيييلو شكلو سعودي بما إن الشغلة فيها سفر للخارج..!!

(( لأنه كان يريد أن يتعلم التزلج على الجليد ))
لا بالله..؟!! أحلفي..!! هههاااا..!!

(( عندما ذهب إلى هناك.. وجد ترحيبا كبيرا من أقاربه ))..
الحلو إنو لو أقارب هناك.. وااهاااهااااااا ..!!
يعني بالله كيف تبغيهم يستقبلو..؟

(( في اليوم التالي كان ابن عمه يعلمه التزلج على الجليد ))
مـــــآشي..
(( وقد كان سعيداً ))
أجل تبغي يبكي ويلطِّم..؟!! =) حاالة البنت هادي.. ككككك

(( وقام بالتدرب يوميا حتى أتقنها ))
(( بعد عده أيام بدأ بالتدرب وحده ))
و بـــــدأ الأكشـــــن >< خخخخخخخ

(( لكن عندما كان ينزل من منحدر ))
ركزوا على ينزل.. ومن فييين..؟ من منحدر..؟ هوة شكلوا كان ينزل من كوبري بس خطأ مطبعي عندها ما عرت تعبر لشدة ما أبدعت في صياغة الجملة..!! خخخخ

(( كانت ابنة عمه الصغيرة تتزلج ))
إيش موعقها من الإعراب البزرة دي..؟. رو-تشان منتي صاااحية ههههههه

(( وفجآة..!! ))
واااااااه.. ماذا ماذا أخبريني أكاد أموت حماااسا وأنزل من منحدر الكرسي وااكاااكككك..!!
(( جاءت أمامه فلم يعرف ماذا يفعل ))
أااانــــــا أقولك يعترفلها إنو ما يحبها وإنها صغيرة عليه لازم تكبر شوية لحتى يخف عليها الصدمة وينتهي الموضوع الحياة حلووووة ^^

(( غير أن يغير طريقه حتى لا يصطدم بها ))
يا شيخ اعترف..!!
حماااس ولاآآ..؟ <~ برااااااا

(( فاصطدم بشجرة ))
نهاية اللف والدوران.. خخخخخخ...!!

(( وفقد الوعي ))
يااه عالعواطف..!! كل ده من حلاوتها..؟ =]

(( فجآء الإسعاف لنقله للمستشفى ))
البنت دعت عليه ههي..!!
(( ولكن يا للآسف ))
خيـــــر يالجآحظ..!!

(( كان هناك كسر في ساقه ولم يستطع التزلج ))
بالله يعني بالعقل كدا بالعقـــــــــــــــــــــــل..
في أحد يقدر يتزلج ورجله مكسورة..؟ طبيعي ما يقدر..!!
آآه كم أنتي خبلتون يا روووروووو هههههي..!! ^^

(( فجلس في المستشفى عدة أيام ))
ركزوا هنا كمان على (( فجلس ))
أنا من رأيي ونظرتي الأدبية.. أظن إنو من الأفضل لها لو كتبت (( ففرش بسططه في المستشفى وجمع أهلوا وقال (( قلطوا معي )) )) ولاآآ..؟ وااهاااهاااااااااا..!! وجابوا مكسرات ولبن أكتيفيا ومفاطيح وحولو المستشفى لاستراحة.. ^^

(( ثم خرج منها إلى بيت عمه ))
بيت أبوه لسة جالسين في المستشفى عجبهم الحال ^^

(( ولكن رجله ما زالت مكسورة ))
وكيــــف خرجووا المستشفى..؟
ولا يمكن مشي على أياديه.. هيهيهي..!!

(( وهناك قام بإرسال رسالة إلى أهله (( بـــأنو )) بخير و سيعود قريباً ))
ترا يقصد (( المستشفى ))
مقلط العائلة الكريمة وملتقى استراحتهم <~ زي فرشتنا يعني..
ثانيا: ركزوا هنا على كلمة (( بأنو )) كتبتها زي ما لقيتها موجود عالورقة بالزبط.. واااه منك كم أنتي فيصحاتون يا فتاااة.. خخخخخ..!!

(( النهــــــآية ))
حمد لله عالسلامة ^^

......................................................


خلصت القصة وما عرفنا :
متى العيلة الكريمة استحت على وجهها وخرجت من المستشفى..؟
ماذا حصل لابنة عمه المسكينة بعد تلك الحادثة..؟ <~ يقولوا رمت نفسها من المنحدر وصلوا عليها تاني يوم هادا اللي سمعته.. ^^ متى انتهت إجازة المتزلج ماهر ؟ <~ على وزن الكابتن ماجد ترا.. =] ...... دحين هادي الأسئلة لحتى تجاوبوا عليها إنتو: متى كتبت رو-تشان هذه القصة: وهية نايمة.. وهية ماهي صاحية..وهية مهسترة (( اختـــــاروا فقط ثلاثة إجابات ^^ ))

ثانيا:
مين علم رو-تشان اللغة العربية والإملاء الصحيح:
ولا أحد.. الكل علمها بس هية ما يتمر فيها الجهد والتعب (( غبية على بلاطة ^^ )).. لم يكن من المتوقع أن تكون حالتها سيئة إلى هذه الدرجة..

(( أختارو برضوا تلاتة إجابات فآآآقط,.!! )) ^^

...

وبص كفاية حش كدا خايفة تدعي عليه وأنا بكرا عليه اختبار فيزياء الله يوفقني ويكفيني شرها

رو-تشان ^^
أحووووووبك..
...

والتعليق ليكم مينا سان على إبداعات صاديقاتي الصادووقة..

ملاحظة لرو-تشان:
رو-تشان.. إنتي أول وآخر وأكبر وأصغر FUN عرفتها في حياتي.. ^^ أحووووبكـ..!!
^^

...

وفي آمآن الكريم..~