أنتــــم كنـــــزي الثميـــــن..~

السلاآم عليكم ورحمة الله تعالى وبركاته جميعآ..

اليوم ومن بعد فترة طويلة حبيت أكتب شي في مذكراتي هنا.. وهمسآتي كمآن..~

وفضلت إنها تكون بدون مقدمات.. مجرد كلمات أكتبها أصور بيها اللي عشته وحسيت بي في خلال الكم يوم هادي..

فأتفضلوا شاركوني قرائتها..~

" الصورة اللي فوق من تصويري لأغراضنا وتواجدنا في الجامعة " ذكريات ثمينة وحلوة مارح أنساها أبدا إن شاء الله..~+ تصميمي "

..................................

للأسف.. وبعد ضياع الوقت..

أكتشفت إني ما أستاهل كل اللي قدموا ليه..!!

على الرغم من بعدنا عن بعض بسبب الساكشن والدوام المختلف.. إلا إنهم ما نسيوني..

أنا سمحت للدوام والدراسة إنها تبعدني عنهم.. الأخواات قبل لايكونوا صديقات..

اللي حبو " ريني " لشخصها مو لشكلها وبس..

اللي حسسوا " ريني " بطعم ومعنى الصداقة الحقيقي..

سمحت لنفسي إني أتعرف ع ناس تانيين.. وبعدت عنهم أكتـــر..

همة فضلوا مع بعض..

ومن فترة لفترة..

" ريني.. وحشتينا زمان عنك.." " ريني خلينا نشوفك اليوم " " ريني......"

وأنا كل ظرف والتاني ياخدني منهم..

صحيح ما أنكر الضغط اللي كنت فيه..

من عملية أمي الغالية الله يخليها لينا يارب وما يحرمنا منها وما يحرم أي مسلم ومسلمة من أمهاتهم آمين.. إلى عملية أبوية الله يعطيه الصحة والعافية..

والله..!!

محد وقف معايا زيهم..

لمن رجعت بعد إجازة الأسبوع اللي أخدتها عشان عملية أمي..

رحبوا بيه وشالتني قلوبهم قبل عيونهم..

ولمن أتصلت عليهم أبشرهم بنجاح عملية أبويا..

يصرخوا من الفرحة..!!

و أغلبية اللي أعرفهم ولا حتى سألوا..!!

وحتى وأنا بعيده عنهم..

ما تركوني لوحدي.. رسايلهم وحدة ورا التانية..

" ريني.. إحنا حنفضل دايما نستاكي.. " " إحنا حستنا ريني اللي تنشر الإبتسامات والفرحة بين اللي حوليها " " ريني وحدة مننا مستحيل ننساها "..

وأنـــــا..!!

سمحت لكل شي ياخدني منهم..

والله ..!! أكتب الكلام دا وكلي قهر من جوتي.. بكييييييت مقهووورة من كزا موقف صار لي بين لي الذهب من الفضة..

بين لي مين من جد يحب " ريني " لأنها " ريني ".. مو لأنها ضحووكة وتتكلم وبس..!!

وقت مرضي..

عمري في حياتي ما لقيت من صحباتي اللي أعرفهم قلوب حنت علية وشالتني ع كفوف الراحة زيهم..

يوم تعبي في الاختبارات.. ماحد كان يهون عليه ويرفع من معنوياتي غيرهم..

" ريني جآنباتيه.." " ريني إنتي قدها " " ريني وا سوغوووي.. "

بكيت كم مرة أتأثرت من مشاعرهم الدافية الحلوة..

وحتى كم مرة خفت أكون إنسانة تقيلة عليهم.. إنسانة ما تستحق كل المشاعر الحلوة دي..

وفعلا.. ندمت من كل قلبي على كل لحظة راحت ما عشتها وقضيتها من أحلا أخوات في الكوون كله..

صحيح مشي من الإجاازة شي كتيير وهادا في صالحي..

لأني من جد.. من جـــد..!!

أبغى أصلح كل اللي فاتني..

أبغا أكون " ريني " اللي همة يعرفوها.. " ريني " اللي ترد لهم أضعاف المشاعر الحلوة دي.. " ريني " اللي ما تسمح لأي شي يبعدها عنهم..~

" ريني " اللي تحبهم إلى الأبـــــــــد..~

إسرآئتي " آلين-كون" , سآرتي " ريوكي-كون", سووستي " لونا-تشآن", أموورتي " برنسيستي"..~

أحبكم..~ كلــــكم.. زي ما إنتوآ..

أحب إسرآئتي لأنها كانت أول صديقة لية في الجامعة.. وأول وحدة أتعرف عليها وننكشح مع بعض في كلاس الإنجلش وهية اللي كانت سبب في حماسي وكسر كعب البوت حقي..!! <~ إنتي فاهمة صح..؟!! ^^

أحب سآرتي.. لأنها دايما تشعل فية روح الحماس.. دايما أنا وهية فايت فاااايت طول الوقت.. ودايما تدلني ع الغلط وتصلحلي معلوماتي وتطمني لو خايفة من شي.. وتعجبني حماستها لمن تدافع عن أحد.. <~ وحشتني المضاربة معاكي.. ^^

أحب لوونتي لأنها كاانت داايما توقف جنبي وترفع معنوياتي سواء في كتباة القصص أو الرسم.. كانت دايما تهدي علية لمن أكون زعلانة وتفهمني على طول من عيوني.. وهية أول وآخر توأم روح ليه من صحبآتي..<~ وحشني النعناع حقك لونتي.. :(

أحب أمووورتي لحنيتها.. لمن تقعد معانا تحسها زي الآم.. تقعد تشيل أكياسنا وتنتبي علينا وداايما لمن نفطر تجبلنا خيار وملاحة وتقطعلنا هوة.. ولااازم تدفينا بالشاهي الرهيب حقها.. <~ وحشتني سندوتشاااتك ولطافة دمك.. :(

أحبهم كلهم لروحهم الحلوة وتفهمهم الدائم لية.. احتضانهم لية لمن أكون متوترة وخايفة من شي..

بكااهم علية يوم مرضي وهادا شي مارح أنساااه أبدا مهما عشت.. ما تركوني حتى في أبسط اللحظات..

دااايما يوصلوني حد باب الجامعة ويطمنوا علية وصلت البيت ولا لا..؟

دايما نعمل مسابقات أنا ولونتي مين تخلص مذاكرة قبل التانية للإختبار والخسرانة تشتري للفايزة آيس كريم تاني يوم.. دآآيما أنا وإسرآئتي نرووح في خيالااااتنا الواسعة إلى اليابان وما نرجع منها إلا لمن تقومنا الأستاذة وما نعرفهم نجاوب ونموت ضحك..!! دايما أنا ريووكتي نضاارب مع بعض ع أتفه الأسباب.. ونرجع شوية نمووت ضحك ع أتفه الأسباب برضو.. سواء ع كيس شبس.. ولا على موضوع أهبل زي ضحكنا..!! ودااايما أنا وأموورتي نقعد نضحك على بعض وكل وحدة فيها ترجف زي النشافة من البرد.. ولمن نقعد نصلي سوا ونحاول ما نضحك في صلاتنا من ولا شي..!!

آآآه بس.. والله شي كتير في قلبي نفسي أكتبه.. بس أحس..

اللي في قلبي ما رح تشيله تدوينة وحدة.. ولا حتى الملاااييين من التدوينات..

أنا اللي في قلبي لو عشت طوول عمري ما رح أعرف

أقووله لكم.. وأبينلكم قد إيش إنتو محبتكم في قلبي كبييييييرة..

يــــــــآ أغلى.. وأنــــدر.. وأحـــــــب كنــــز في الوجـــــود.. على قلبــــــي..~