تحبونا غصباً عنكم !!

السلام عليكم ورحمة الله تعالى وبركاته ،،


بصرااحة ! أنا ماني عارفة من فين أبدأ ..!!
الموضوع دا حايس في بالي من كم شهر ! كل ما جيت أكتب تتخربط الأفكار في مخي وينحرق دمي وأبطل أكتب شي !
( رح استخدم العربية العامية ،،! أعصابي ما تستحمل أنتبه لقواعد نحوية أبداً !! )


--------


يا ترى فاهمين قصدي من الوضوع؟ هل هو باين من العنوان،،؟
"تحبوونا غصباً عنكم !!! "


خلونا نرجع كم شهر ورا ونعرف بالزبط إيش اللي صار ،،


------


برنامج " كوري" إسمه "ستار كينج "
استضاف فتاة كورية ( ساكنة في المملكة العربية السعودية )حلمها تكون مغنية ،، 
من يوم ما دخلت الكائن الكوري الاستوديو والمصخرة وقلة الأدب شغااااالة 
كييييف؟
كتير ناس اتناقشوا في الموضوع دا وأنا ما أتفرجت ع الحلقة لحتى أوصف اللي سار ،،
مجرد إنو عيني طاحت ع الموضوع ودخلت لحتى أقرا إيش صااير ،،
عشااان أنصددددددددمممم !! بكف قوي ع وجهي !
إي والله كف قوي !


المخلوقة دي حضرتها رايحة لابسة عباية ،، وتتمسخر ع العرب وإنو ممنوع يقرب رجال منها ،،
وتصرخ ( هرااام هرااام ) !
وملبسين الرجال في الاستوديو ثياب ( الزي العربي السعودي ) وماسكين في أياديهم رشاشات لعبة
( محتاااااج شرررح ؟!!! )
وكيف إنو ممنوع وحرام يكون عندك بوي فريند،،


هادا غير المسخررررة اللي طلعوها في صورر ،،
صورر باادية ،، وصور لفنانة أمريكية عارية تخطيها بعض أوراق الشجر بتعليق
( هكذا سيكون شكلها عندما تعرض في السعودية )
استهزاء بتعاليم الدين الإسلامي بطريقة لا تغتفر !




نجي للنقطة المهمممممة !
حبيباتي ( الفانز الكوري ) زي ما يسموا نفسهم !
صاروا يقولوا ( حرااام هية كانت بس بتشرحلهم عن السعودية ما كااانوا يقصدوا،، وترى قالتلهم إن الملك عندنا يكافئنا بفلووس )
لا يا شيخة؟!!!! كتر خيرها والله رفعت راسنا اللي ما تتسمى دي !!


تخيلوا ردة الفعل؟؟!
لا ما قاطعوا كوريا وي تبغوهم يموتوا !
لا لا ولا قاطعوا البرنامج!
أخس وألعن !!
( خلوونا نعمل فيديو نورييهم إنو السعودية فيها تطور ونحط برج الفيصلية إحنا محنا عايشين في بادية ونحط عليها أغنية ،،،،، إلخ ) !!


طيب ودينكم ؟!!! والاستهزاء اللي عملوه ؟!!!!
ليييه ما تعملوا فيديو يشرح الإسلام والقيم النبيلة اللي هم قاعدين يستهزؤا عليها ؟!!
( لا لا كيففف ؟؟! ترضي أحد يشرح شي عن المسيحية ويقولك دينك غلط ؟ )
أممما ،،،؟؟!!!
يعني أتركهم يقولوا ديني غلط وما أدافع عنه ؟؟!!!!
رح أعطيهم مجال يفكروا ( إيش هادا الدين الضعيف ) !!!


ولا تجيني وحدة واااااثقة من نفسها هي ووجهها تقولي ( ترى اعتذروا ) !
اعتذروا ع إيشششش حبيبتي؟ ويكفيكم إعتذااار ؟! ترضوا الغلط ع دينكم يمر بإعتذاااار ؟؟
والله لو دولة ثانية ما تمررها غير البرنامج موقوف ولا ملغي ولا راايح ورا الشمس !
بس من هباااايب فئة الـ ( الفانز الكوري ) اللي عملوها بالغصيبة طلع الاعتذاار !


بالمناسبة عجبهم الفيديو ؟ أهممم شي بس بالله اكتشفوا إننا ما نعيش بالصحرا ونحلب نياق ؟
بلييييز بليييييز طمنووني !!!!!!!!!


حبايبي !!!
سواء كوريين ولا صينيين ولا يابانيين ولا أي مخاليق بالدنيا !
ترى والله لو إنكم ماشيين حفيانين بعد مو ساكنين بصحرا !
لو ربي رايد يحبوكم رح يحبوكم لو إيش كانت أحوالكم وأشكالكم !
زي ما حضرااتكم حابينهم هم بلبسهم وتقاليدهم واللي بعضهاً ( في شرق آسيا عموماً ) مضحكة ومنفِّرة !


أنا استغرب أفتكر زماااان كنا لمن يبغوا يقهروا وحدة ولا يقولوا عنها وحشة يقولوها:
( روحي يا صينية! روحي يا يابانية ! روحي يا كورية! )
بس دحين ،،! آآآه يا قلبي آآآآآآآآآآآآآآآآآه !!!

ملااااحظة:
ترى هادي مدونتي أنا،، أنا بس !! أكتب فيها اللي أبغاه ولا أي مخلوق له أي حق يحاسبني ولا يناقشني
ما يحاسبني غير رب العالمين !
اللي مو عاجبه كلامي لا يضيع وقته الثمين ويكتب رد ولا حتى يقرآ ما يهمني !
لأني متأكدة رح أشووف ستين وحدة مطلعتلي وجهها ترد بكل ثقة ووقاحة !!
عشان كدا اللي ما يعجبها كلامي بليز برة ولا تكتب حرف !
آآآه لو إني اتكلمت عن #سوريا دحين والله ما كان شفت وجه مخلووووق ( أكاد  أقسم ) !!


الله يرزق كل ميين ع قد نيته ..!
وحسبي الله ونعم الوكيل ،،!






في أمان الكريم ..