مليانتون بالمشاعري..!!

السلام عليكم ورحمة الله وبركاته

ميناااااا :)

ليكم وحشة قد الدنيا..~ زمان عن التدوين..~

بصرآحة التدوينة هادي حآسة إنها مليئة بالمشاعر.. مدري ليه.. ×)

كنت حابة بس أنوه إنو ممكن أغيب لفترة بسيطة عن عالم التدوين وذلك لسبب يعلمه الجميع منكم ألا وهو الإختبآرآت..~ <~ سمعتوا عنها صح..؟ هع..!!

أمس قريت تدوينة العسولة ميلاد..~ لبي ألبها كانت مضايقة من الإختبارات وجوها..

دخلت حضرتي أنا ريني بشحمي ودجاجي.. وقعدت أعمل فيها الفهيمة اللي هية..!!

وأكتبها وأحاول أهون عليها..

ويا سلاآآآم علية أخرج مرتاحة وسعيدة وكلش..!!

لين أدخل المسن وألاقي بسومتي كاتبة في البيرسونال إنو جدول إختباراتنا نزل وحاطة الرابط لحتى نحمله..!!

أنا وجهي صار كل ألوان الفلوماستر..!!

" إييييه..؟!! من جد..!! متى وكيف ولماذا وأن وأخواتها..؟!!"

طبعا غلب العالم كله لمن حاولت أسجل في منتدى الجامعة بس حالف يمين ما أسجل فيه مدري ليه..<~ خليه هوة الخسرآن.. 

فطلبته منها عن طريق المسن.. وربي يسعدها الدلبوووشة ما قصرت <~ قصة حيآتك حجة..؟

المهمممممم..

الحمد لله جدولنا حلو.. على إنو فيلو شوية تخلف في بعض المواد بس الحمد لله إنو جا على كدا..

يا عيني على بنات الـ MIS الله يكون بعونهم عندهم إختبار إسلام+آيكون بنفس اليوم..!!

" لكل صحباتي بنات الإم آي إس المحترمات.. نصيحة أخوية صادقة نابعة من قلب مفهي يعشق التضحية من أجل الراحة النفسية والإنكشاحية.. أسحبوا على وحدة من المادتين وخلونا نحس بالمغامرة ولو مرة بحياتنا خخخخ..!!"

<~ الرجاء عدم التقيد بما يذكره المستخدم أعلاه نظراً لفشل ضبط المشاعر المليانتون في الوقت الحالي..!!

أما إحنا أشباح الـ CS

 " ملاحظة بسيطة على كلمة أشباح: السبب في تسميتي لبنات الـسي إس بالأشباح 

هو الآتي:

لو وقفت يا حضرة القارئ في ممر الجامعة رح تعررررف تفررق بين بنات السي إس وبقية بنات الجامعة بكااافة التخصصات..

أولا التحضيري يمشوا بكل حرية بشنط شبه فاضية ما عدا كتاب الإنجليزي اللي طلع من عيوون كل من مر بالسنة التحضيرية..

وبعدين الإم آي إس.. يناااسو يمشوا بكل حرية واثقين من نفسهم ومن تخصصهم وشايفين الحياة حلوة وكلها جداول مالية وحساب..

أما قسم اللغويات وإدارة الأعمال فنفس المذكور أعلاه..

نجي للحفلة..!! قسم السي إس..

أشبااح لأنهم وببساطة يمشوا ببطئ وبطريقة شبه الزحف..!! والوجه عين مقفولة والتانية مقفلة..!! خخخخخخ

ويمشوا ماهم واثقين همة أتخصصوا ماث ولا فيزيا ولا إيش في الحياة أهم ماشيين وخلاص.." <~ ترا دي كلها ملاحظة..<~ مسكوها البااااب..!!

خخخ نرجع لجدولي <~ كففففف

أول يوم السبت فيزيا

وبعده الإثنين إسلام..

حلووو ولهنا تمآم الحمد لله..

هنا يجي العبط..!!

السبت التاني ماث

والأحد إنجلش

والإثنين سي إس..!!

نآآعآآآم..؟

يعني بالله الشي اللطيف الظريف الحمل الوديع اللي إسمع الإنجلش ماكان شافوله مكان

بين الفيزيا والإسلام يدخل فيه..؟

كان ع الأقل فضل في مسافة بين السي إس والماث نذاكر فيها بعقلية بشرية صاحية ولا..؟

ع العموم أرجع وأقول الحمد لله إنو جا على كدا في جداول تخلي الواحد يبكي..!!

دعواتكم لية ودعواتي للجميع بالدرجات العالية ياااارب.. الله يعيننا ويوفقنا لما يحبه ويرضاه.. آمين..~

أشووفكم على كل خير مينآ سآن..~

في آمآن الكريم..~

^^